Opozita do të mbajë sot protestën e radhës, e cila do të nisë në orën 17:00. Rrugët që do të bllokohen janë:
-“Tiranë–Durrës”, pranë mbikalimit të Kamzës;
-“Durrës-Tiranë”, pranë mbikalimit të Shkozetit;
-“Kashar–Milot”, pranë kryqëzimit të Milotit;
-“Elbasan–Tiranë”, te rrethrrotullimi i Bradasheshit;
-“Durrës–Fier”, te rrethrrotullimi i Rrogozhinës;
-“Levan–Tepelenë”, te rrethrrotullimi i Levanit.
Ndërkohë për t’u ardhur në ndihmë qytetarëve që do të qarkullojnë në akset rrugore të mësipërme, Policia e Shtetit ka ndërmarrë masa që në rast bllokimi, të devijojë qarkullimin e automjeteve në rrugë alternative.
Gjithashtu, qytetarët që duan të udhëtojnë drejt Rinasit, me qëllim daljen jashtë vendit, duhet që për shkak të trafikut që mund të krijohet, të arrijnë në aeroport para orës 17:00, ose të përdorin rrugët alternative për të mbërritur në kohë.
