Një pikturë nga ikona David Bowie pritet të shitet për mijëra dollarë në një ankand arti në internet, ndërkohë që u ble në një qendër dhurimesh në një landfill në Ontario, Kanada.
Portreti, i titulluar "DHead XLVI", është pjesë e një serie prej afërsisht 47 punimesh që Bowie krijoi midis vitit 1995 dhe 1997, sipas Rob Cowley, president i Cowley Abbott, i cili po administron ankandin.
Piktura ka nënshkrimin dallues të Bowie në pjesën e pasme të kanavacës, së bashku me një etiketë që ka emrin e tij, datën 1997 dhe një përshkrim të pikturës si "akrilik dhe kolazh kompjuteri në pëlhurë".
Cowley tha për CNN se shitësi, i cili nuk është identifikuar, pagoi 5 dollarë kanadezë për pikturën verën e kaluar në një qendër dhurimesh në një landfill.
Personi nuk është koleksionist i arteve dhe thjesht i pëlqente piktura, tha Cowley. Cowley shtoi se Bowie pikturonte miqtë, familjen dhe muzikantë të tjerë për serinë DHead dhe madje bëri disa autoportrete.
"Në këtë rast, edhe gjinia është e vështirë të dallohet sepse nuk ka ndonjë tipar të fytyrës përveç profilit anësor. Është një portret mjaft i mrekullueshëm, por është shumë e vështirë të thuash saktësisht kush mund të jetë.”
Sipas CNN, piktura pritej të shitej aty te 10,000 dollarë, por e tejkaloi çmimin që ditën e parë të ankandit, i cili përfundon më 24 qershor.
