Vera është koha kur zakonisht lyejmë flokët në nuancat e biondes, por tani po vërejmë një ndryshim. Në vjeshtë, trendi i flokëve po shkon një nuance brune të veçantë, të quajtur “Bambi”, që ekspertët e përshkruajnë si “një version të butë, të ngrohtë, që duket sikur reflekton dritën në flokët kafe”.
Aktualisht, po shohim variacione të ndryshme të kësaj ngjyre brune tek personazhe të famshëm si Hailey Bieber, Kaia Gerber dhe Zendaya. Por, çfarë e bën ngjyrën brune Bambi kaq të veçantë dhe ndryshe nga bruna e zakonshme?
“Është si të kesh kaluar një verë të tërë në diell, por në një mënyrë shumë të rafinuar dhe elegante,” shpjegon parukieri i flokëve Leeson. “Mendoni për nuanca të buta karamele në një bazë brune, që i japin flokëve shkëlqim.”
Kjo nuancë e re është ideale edhe për vjeshtën, sezonin kur natyrshëm kërkojmë ngrohtësi në ngjyrën e flokëve.
View this post on Instagram
Çfarë duhet t’i kërkoni parukieres suaj?
Më e rëndësishmja është baza. Kërkoni një bazë brune, me fije të ngrohta dhe karamele të shpërndara në gjithë gjatësinë, veçanërisht rreth fytyrës. Fijet duhet të jenë të holla dhe të “shkrira” mirë, që të mos duken si vija. Qëllimi është të krijosh dimension dhe shkëlqim, pa ngjyrë të theksuar.
