Pas fshirjes së këngës “Madam” nga kanali i “2 Euro Gang” në Youtube, ku për më shumë informacion mund të klikoni këtu, kanë reaguar të dyja palët.
Në profilin e tyre në Instagram, "Zzap & Chriss" kanë reaguar ashpër përmes një fotoje në profilin e tyre në Instagram ku shkruajnë:
“Ju more talenta, le që na ikët në mënyrën më të poshtër nga ne që ju krijuam, por tani doni që të përdorni edhe projektet tona, që i kemi krijuar unë dhe Chrissi dhe jua kemi dërguar me email duke gënjyer producentët gjermanë se këngën “Madam” e keni bërë ju. Ju garantojmë të gjithëve se drejtësia do triumfojë dhe se mundi ynë nuk ka për të shkuar dëm. Të bëra me famë dhe ike në momentin kur duhej të ktheheshin investimet e bëra, në të cilat asnjë cent të vetëm s’e ke dhënë ti artist i talentuar. Sot do të jeni live në Instagram me fakte që këngën “Madam” e kemi bërë ne.
Nga ana tjetër, Mozzik ka reaguar përmes disa videove në Insta Stories teksa në sfond është kënga “Madam”.
“Përshëndetje njerëz! Është e vërtetë që unë këtë këngë e kam bërë në kohën kur punoja me ata njerëz, por s’e kanë pëlqyer këngën dhe e kemi lënë. Pas disa kohës e kam bërë në një studio krejt tjetër me një beat krejt tjetër. Ama kjo s’do të thotë që unë e kam marrë idenë nga dikush tjetër. Kurrë! Teksti është i shkruar prej meje, prej zemrës sime dhe e dinë shumë mirë ata që më njohin dhe ata të cilën kanë qenë prezent kur e kam shkruar”, thotë ai.
