"Suits"

Meghan Markle po rikthehet në aktrim, pavarësisht se më parë kishte deklaruar se e kishte “mbyllur” atë kapitull të jetës së saj. Më 5 nëntor, Dukesha e Sussex u pa në sheshxhirimin e filmit të saj të ri Close Personal Friends në Pasadena të Kalifornisë, sipas raportimeve të para nga The Sun.

“Meghan ishte në xhirime sot,” tha një burim për PEOPLE. “Ka një rol të vogël. Dukej e qetë dhe e lumtur. U prezantua me të gjithë, ishte shumë e ëmbël dhe e afrueshme.”

Thuhet se Meghan do të luajë vetveten në filmin e prodhuar nga Amazon-MGM Studios, ku do të marrin pjesë edhe Brie Larson, Lily Collins, Jack Quaid dhe Henry Golding. Filmi, një komedi romantike, ndjek historinë e një çifti që takon një çift të famshëm gjatë një udhëtimi në Santa Barbara, një lidhje e përkryer me vendbanimin e Meghan dhe Princit Harry në Montecito.

Ky rol shënon rikthimin e saj të parë në aktrim që prej martesës me Harry-n në maj të vitit 2018. Që atëherë, çifti është tërhequr nga detyrat mbretërore dhe është vendosur në Kaliforni, ku po rrisin dy fëmijët e tyre, Princin Archie, 6 vjeç, dhe Princeshën Lilibet, 4 vjeçe.

Një burim nga sheshxhirimi i tha The Sun:

“Ky është një moment shumë i rëndësishëm për Meghan. Shënon rikthimin e saj në atë që ajo e do më shumë. Ajo ka marrë shumë oferta, por kjo i është dukur e duhura.”

Meghan Markle nisi karrierën e saj në Hollywood me role të vogla në seriale si Fringe dhe The League, si dhe si modele në emisionin Deal or No Deal, përpara se të fitonte famë me rolin e Rachel Zane në dramën ligjore Suits. Ajo u largua nga seriali pas sezonit të shtatë, në vitin 2017, pak para dasmës me Princin Harry.