Në një nga kritikat e tij më të ashpra për abortin, Papa Françesku e ka krahasuar procedurën me "punësimin e një vrasësi për të zgjidhur një problem".
Papa i tha audiencës në Sheshin e Shën Pjetrit se "një qasje kontradiktore ndaj jetës lejon shtypjen e jetës njerëzore në barkun e nënës, në mënyrë që të ruhen vlera të tjera".
Ai shtoi:
“Si mund të jetë terapeutik, civil apo thjesht njerëzor një akt që shtyp një jetë të pafajshme dhe të pafuqishme teksa lulëzon?” Ai vazhdoi duke i thënë të pranishmëve se “nuk është e drejtë” të marrësh një jetë njerëzore, sado e vogël qoftë.
Grupet e grave në Itali kanë luftuar për të siguruar akses të sigurt në procedurat e abortit.
Megjithatë, këshilltarët në Verona, javën e kaluar e shpallën qytetin verior italian "pro-jetës", duke miratuar një iniciativë që do të "parandalonte abortin" duke financuar grupet kundër abortit, si dhe promovimin e një projekti që do t'u mundësonte grave të dorëzojnë në mënyrë anonime foshnjat e tyre për birësim.
Mocioni u paraqit në maj për të përkuar me 40-vjetorin e votimit të Italisë për legalizimin e abortit. Pavarësisht ligjit, është jashtëzakonisht e vështirë për gratë që të kenë akses në një abort të sigurt pasi më shumë se 70% e gjinekologëve refuzojnë të ndërpresin shtatzëninë për arsye morale.
Burimi: The Guardian
