Orgesa Zaimi u diskutua në tetor të 2015-ës për një deklaratë lidhur me homoseksualët, ku thoshte se ata janë të rrezikshëm, dhe sidomos ata të fshehtët, siç është shprehur ajo.
Pas masakrës së Orlandos, dolën të dhëna të reja mbi vrasësin Omar Mateen (lexo këtu) që tregojnë se ai ndiqte fshehurazi aktivitetet LGBT. Nisur nga kjo, Orgesa Zaimi ka publikuar artikullin mbi komentin e saj në 2015-ën, duke vënë në dukje se ajo që thoshte 'paska qenë e vërtetë'.
Në tetor 2015 shkruajta një status në Facebook që u mor edhe nga portalet (kot më kot pa lejen time) dhe ja ku doli e vërtetë, sepse vrasësi i Orlandos na doli një gay i fshehur dhe rrjedhimisht vrasës #sorrynotsorry (Më vjen keq por s'më vjen keq).
Në statusin e saj në tetor Orgesa Zaimi shkruante se nuk ishte homofobe, por besonte se në Shqipëri njerëzit më të rrezikshëm janë gay-t. Më pas shprehej se kishte simpati për këtë komunitet pasi disa prej artistëve të saj të preferuar, si Freddie Mercury apo Adam Lambert kanë qenë ose janë homoseksualë, megjithatë ata kishin dalë hapur.
Këngëtarja shkruante:
Më duhet të them se këta pasivët, apo të fshehtët janë më të rrezikshëm se çdo njeri tjetër, frustrimin e kthejnë në urrejtje dhe prej saj mund edhe të të vrasin.
Copyright Anabel.al / Ndalohet ribotimi pa lejen e redaksisë.
