“Inside Out 2”, edhe pse një film i animuar u përqafua nga të gjitha moshat. Riley, personazhi kryesor në film, bëhet adoleshente dhe fillon luftën e saj me ankthin dhe nevojën për t’u përshtatur. Menjëherë filmi është bërë viral në TikTok dhe njerëzit po e adhurojnë.

Kujdes! Ky artikull përmban spoliers! 

Së pari, të tregojmë ca detaje nga filmi: Riley ka shoqet e saj kudo me vete dhe është “ylli” i lojës hokej. Çdo gjë ndryshoi kur ajo kaloi një natë në fazën e pubertetit dhe u shfaqën 4 emocione të reja: Zilia, Mërzia, Turpi dhe më i rëndësishmi, Ankthi.

 
Në realitet, ne nuk zhvillojmë papritmas emocione shtesë gjatë adoleshencës, por përjetimet tona emocionale janë më intensive dhe më pak të qëndrueshme se në fëmijëri. Fakti që të gjithë i kemi ato emocione të pranishme në përditshmërinë tonë bëri që ato të përqafohen, nga ana tjetër, edhe të analizohen nga të gjithë.
 
Do t’ju ketë ndodhur të keni parë në rrjete sociale pjesë virale nga filmi i animuar me dy personazhet “Ennui” dhe “Anxiety” që për arsye të ndryshme u pëlqyen më shumë nga audienca.

 
Fillimisht kemi Ennui, një emocion blu që nuk ka nerva për asnjë, që të gjithë po prisnin të kishte emrin standard të mërzitjes në anglisht (boredoom).
 
Ajo është e veshur me rroba të lirshme dhe të rehatshme dhe gjithmonë shihet me telefonin në dorë, duke parë me indiferencë në ekran.
 
Që në trailerin e "Inside Out 2”, ajo jep një ndjesi të emocionit që përpiqet të përçojë filmi. E distancuar nga pjesa tjetër e grupit, ajo shtrihet në divan, duke vështruar e përgjumur telefonin – një gjendje që duket në përputhje me mënyrën se si adoleshentët (dhe të rriturit) shprehin mërzinë e tyre.
 
Ndërsa Joy (emocioni i gëzimit) përpiqet të shqiptojë emrin e saj në trailer, Ennui thotë, me një theks të mërzitur francez: “Është ajo që ju do ta quani mërzi.” Dhe mjaftoi ky theks francez i personazhit që ai të bëhej viral dhe të gjithë të thonë se sa e shohin veten tek ky personazh.
 
Por le të kalojmë tek arsyeja kryesore.
 
Kur mendojmë për adoleshentët që përjetojnë ankth, zakonisht e perceptojmë si një çështje të shëndetit mendor. Por "Inside Out 2" tregon se ankthi është një ndjenjë normale dhe mund të ketë një qëllim pozitiv, për sa kohë që nuk e merr të gjithë jetën nën kontroll.

 
Këtu, ne shohim se si ankthi mund të luajë një rol pozitiv në jetët tona. Ankthi merr përgjegjësinë dhe paraqitet si një emocion që shikon nga e ardhmja, duke ndihmuar Riley-n të shmangë pasojat e këqija të veprimeve të saj.
 
Siç tregohet në film, problemi lind kur ankthi e merr gjithnjë e më shumë nën kontroll Riley-n. Një koncept i ri i prezantuar është zhvillimi i ndjenjës së vetes, e përbërë nga fije të besimeve që Riley ka për veten e saj dhe që janë të lidhura me kujtimet e saj, si për shembull: "Unë jam një mikeshë e mirë."

 
Në fund të "Inside Out 2”, Ankthi shqetësohet pasi aksidentalisht shkatërron besimin e Riley-t duke e bërë të mendojë: "Unë nuk jam e mjaftueshme." Ajo mbingarkohet, duke u përpjekur të rregullojë rrëmujën që bëri. Ndërsa ajo lëviz gjithnjë e më shpejt, Riley fillon të tregojë shenja të një sulmi nga ankthi. Zemra e saj rreh shpejt, frymëmarrja bëhet e shpeshtë dhe këmba e saj fillon të dridhet pa kontroll.

Portretizimi i sulmit të ankthit në "Inside Out 2" mund të jetë një nga skenat më të mira në një film të Pixar – gjë që është e rëndësishme, duke pasur parasysh se studioja nuk ka hezituar kurrë të trajtojë pjesët tragjike të jetës. Kjo gjithashtu, vërteton arsyen pse përfaqësimi i saktë i audiencës ka rëndësi.

Artikuj të sugjeruar: