Si e filloni mëngjesin tuaj? Nëse sapo hapni sytë jeni në Instagram, duke parë si po e fillojnë të tjerët mëngjesin, ky mund të jetë një fillim negativ i ditës.
Chelsea Elena Touroni, psikologe, thotë:
“Nëse keni një mëngjes të nxituar, nivelet e stresit tuaj ka të ngjarë të rriten në kohën kur filloni të punoni. Kjo ka të ngjarë të ndikojë në nivelet e përqendrimit, produktivitetin dhe cilësinë e punës."
Për këto arsye, një rutinë mëngjesi duhet me patjetër për ta filluar ditën si duhet.
Fillojeni me këto hapa të thjeshtë:
#1 – Bëni një listë
Çdo mbrëmje përgatisni një listë me gjërat që keni për të bërë ditën tjetër. Kjo do t’ju ndihmojë të ndiheni në kontroll dhe të organizuar.
Në mbrëmje, sugjerohet të përgatisni edhe çfarë do vishni për ditën tjetër.
#2 – Merreni ngadalë
Kur të zgjoheni, mos mendoni vetëm për listën e gjatë me detyra që përgatitët në mbrëmje, por merrni pak kohë për të menduar pikërisht atë gjë që e bëni me më shumë qejf gjatë ditës. Kjo do t’ju bëjë të ngriheni nga krevati me më shumë dëshirë. Ndjeni energjinë dhe optimizmin që sjell kjo.
Përpiquni të zgjoheni më herët se zakonisht. Askujt s’i bën mirë ndjenja e nxitimit dhe urgjencës në mëngjes.
#3 – Jepini prioritet kujdesit ndaj lëkurës
Niseni ditën duke i dhënë kohën që i duhet kujdesit ndaj lëkurës. Mendojeni këtë si një proces të vogël “meditimi”, një kohë vetëm me ju dhe veten tuaj.
#4 – Hani mirë
Edhe nëse s’jeni person mëngjesi, kuptoni se të ushqyerit ndikon në humorin dhe qartësinë mendore. Mendojeni mëngjesin si një “ushqim për trurin” dhe përpiquni të konsumoni diçka me proteina.
#5 – Lëvizni
Nëse zgjoheni dhe këmbëngulni të qëndroni në shtrat për 30 minuta apo më shumë, provoni të bëni të kundërtën e saj.
Bëni disa frymëmarrje të thella dhe pak “stretch” për ta filluar ditën mirë.
Më pas, dilni nga shtëpia. Bëni një ecje të shkurtër, ose një vrap të lehtë. 10 minuta janë mëse të mjaftueshme. Këtë proces sigurohuni ta shoqëroni me muzikën më të mirë.
Burimi: Who What Wear
