Një vajzë 23-vjeçare, Ille Gjuni, denoncoi vjehrrit e saj në policinë e Durrësit dhe i akuzoi se i kanë rrëmbyer djalin e mitur 3 vjeç. Ajo tha se pas vdekjes së të shoqit në aksident automobilistik, e dërgonte djalin te gjyshërit, por pas vizitës të gjyshërit nuk e kthyen më tek e ëma. Me lot në sy dhe e dëshpëruar, nëna bëri apel për rikthimin e djalit, ndërsa mohoi në mënyrë kategorike që të ketë pasur konflikte për çështje pronësie me familjen e bashkëshortit të ndjerë.

Sipas policisë, janë kryer kontrolle në banesën e Rexhep Gjunit, gjyshit të djalit të vogël, por ende nuk është gjetur i mituri.

Arrestimi i gjyshit dhe personave të tjerë.

Policia ka arrestuar gjyshin e djalit, Rexhep Gjunin, 60 vjeç dhe një person tjetër, 49 vjeç, vëllai i gjyshes së djalit të mitur, banues në Has. Policia pretendon se djali mbahet me detyrim në Has ose Kukës, ndaj po kryen kërkime të shumta, edhe në banesat e të afërmve të djalit në të dyja këto qytete.

Kërkimet e vazhdueshme

Prej 6 ditësh tashmë, djali rezulton i zhdukur dhe autoritetet po kërkojnë me intensitet në të gjitha zonat e mundshme ku mund të kenë strehuar djalin e mitur. Deri më tani, gjyshi nuk ka treguar se ku ndodhet djali i vogël (nëse është ai rrëmbyesi) dhe kjo po e vështirëson punën dhe pistat e policisë.

Ndëkohë, ende vijojnë kërkimet edhe për gjyshen e djalit të vogël, e cila është 57 vjeç, banuese në Durrës dhe vëllai tjetër i saj, banues në Has.