Kanye West mezi foli gjatë një eventi të organizuar të enjten në mbrëmje për albumin e tij të radhës, “Donda", por sidoqoftë, shumica e të pranishmëve ishin në këmbë duke pritur me padurim albumin e shumëpërfolur.

West e prezantoi “Donda” në stadiumin Mercedes-Benz në Atlanta - album i titulluar në nder të të ëmës, Donda West, e cila ndërroi jetë në moshën 58-vjeçare pas ndërlikimeve pas një operacioni plastik në 2007.

Kanye dhe e ëma

Eventi për të dëgjuar albumin – që u transmetua drejtpërdrejt në Apple Music – ishte një arritje e madhe për Kanye-n, pasi vendet u zunë të gjitha fill sapo ai njoftoi vetëm dy ditë para se çfarë do të organizonte.

Kanye u shfaq i qetë, i mbulur me maskë. Në shumicën e këngëve, të pranishmit dëgjonin në heshtje dhe duartrokisnin në fund të këngëve.

Ta pranishëm në stadium qenë edhe ish-bashkëshortja, Kim Kardashian dhe fëmijët. Së bashku me Kim, qëndronte edhe Khloe. Të tjerë të famshëm qenë 50 Cent, Lil Kim, Caitlyn Jenner, A$AP Rocky dhe 2 Chainz.

Në këngën “Love Unconditionally”, Kanye thuhet se u përlot teksa reponte se “po humbte familjen”.

Fansat u surprizuan nga bashkëpunimi me Jay-Z, që u vendos e fundit në radhë.

Nëpër rrjete sociale, njerëzit nisën të shpresojnë se mund të jetë një “Watch the Throne” i dytë, albumi i tyre i vitit 2011. Mesa duket, marrëdhënia është përmirësuar. Në 2018-n, Kanye deklaroi se tensioni me Jay-Z nisi për shkak se ai dhe Beyonce nuk i shkuan në dasmë.

“Donda” është albumi i fundit i West, pas “Jesus is King” në vitin 2019, i cili fitoi Grammy për Albumin më të Mirë Bashkëkohor me temë krishtërimin.

Për momentin, është e paqartë kur do të publikohet "Donda" në platformat muzikore: