Të gjithë e mbajnë mend herën e parë. Është ai momenti kur guximi për të thënë "Këtë vit, darka e festave bëhet te ne!" pasohet menjëherë nga një valë e lehtë paniku. Për Jonin dhe Lirën, një çift i ri që sapo kishin arreduar shtëpinë e tyre të ëndrrave, ky ishte viti i madh. Ata do të prisnin prindërit, hallat dhe kushërinjtë për darkën e fundvitit. Pritshmëritë ishin të larta, dhe presioni për të qenë mikpritës të përsosur ishte edhe më i lartë.
Ata donin të bënin përshtypje, por kishin frikë nga skenarët e zakonshëm të makthit: gjeli i detit i thatë, ëmbëlsira e djegur, apo shtëpia rrëmujë deri në momentin që bie zilja e derës. Por ata kishin një sekret. Shtëpia e tyre nuk ishte thjesht e re; ajo ishte e zgjuar. Ekosistemi Samsung Bespoke AI dhe SmartThings ishte gati të kthehej në mentorin e tyre të padukshëm.
Fundi i panikut të menusë
Stresi filloi ende pa u ndezur furra. "Çfarë të gatuajmë që të duket profesionale, por të mos jetë e pamundur?" Lira hapi aplikacionin Samsung Food në telefonin e saj. Aplikacioni, i lidhur me Frigoriferin Bespoke, dinte tashmë se çfarë përbërësish kishin brenda falë kameras AI Vision Inside.
Në vend që të humbisnin orë të tëra duke kërkuar në libra gatimi, aplikacioni u sugjeroi një menu festive të personalizuar, bazuar në atë që kishin gjendje. Kur ishin në supermarket për blerjet e fundit dhe Joni pyeti "A kemi mjaftueshëm gjalpë?", Lira nuk u stresua. Ajo thjesht hodhi një vështrim brenda frigoriferit nga ekrani i telefonit të saj. Faza e parë: e kaluar me sukses.
Kuzhinieri që nuk mbyll sytë kurrë
Sfida e vërtetë ishte gatimi. Joni ishte i tmerruar nga ideja e djegies së pjatës kryesore ndërkohë që merrej me përgatitjen e sallatës. Por furra Bespoke AI u bë sytë e tyre shtesë.
Ata e futën tavën në furrë dhe aktivizuan kamerën AI Pro Cooking. Furra identifikoi ushqimin dhe sugjeroi temperaturën perfekte. Ndërsa ata po rregullonin tavolinën në dhomën tjetër, nuk kishin nevojë të vraponin çdo 10 minuta në kuzhinë. Ata kontrollonin pjekjen nga telefoni.
Momenti i shpëtimit erdhi kur u hutuan nga një telefonatë. Një njoftim urgjent erdhi në orën inteligjente të Lirës: "Sistemi Burn Detection ka vërejtur rrezik djegieje." Falë inteligjencës së furrës, ata e ulën temperaturën në kohë. Darka u shpëtua pa asnjë dramë.
Pastrimi magjik para festës
Një orë para se të vinin miqtë, kuzhina ishte fushëbetejë: pak miell në dysheme dhe letra ambalazhi të rëna. Normalisht, ky do të ishte momenti i djersitjes për të fshirë dhe larë gjithçka me nxitim.
Në vend të kësaj, Joni aktivizoi Bespoke AI Jet Ultra. Ndërsa çifti shkoi të vishej dhe të bëhej gati, roboti inteligjent skanoi dyshemenë. Ai dalloi pllakat nga tapeti, fshiu miellin dhe lau njollat e vogla me avull. Kur ata dolën nga dhomat e gjumit, dyshemeja shkëlqente.
Mikpritësit perfektë
Kur zilja e derës ra, Joni dhe Lira nuk ishin të djersitur, të stresuar apo me përparëse kuzhine. Ata ishin të qetë, me gota vere në duar, gati për të mirëpritur familjen. Me një prekje në SmartThings, ata aktivizuan "Party Mode": dritat u zbehën në një nuancë të ngrohtë dhe muzika festive filloi të luante në sfond.
Për familjen e tyre, ajo dukej si një mbrëmje e organizuar me lehtësi të pabesueshme. Për Jonin dhe Lirën, ishte triumfi i teknologjisë që i lejonte të shijonin festën po aq sa mysafirët e tyre. Samsung nuk gatuajti për ta, por u dha atyre besimin për ta bërë "herën e parë" të paharrueshme.
