Pas publikimit të këngës së re të Unikkatil-it me titull ‘Për Qato’ ka patur një valë reagimesh dhe interpretimesh nga fansat se reperi ja dedikon atë Noizy-t dhe Getoar Selimit. (Këto komente për arsye etike nuk i kemi publikuar, por mund t’i shihni në Youtube apo llogarinë e tij).
Sipas zbërthimit që kanë bërë fansat, pjesa “Veq mir që mpermene se mqove, tash vi e t’boj shembull, veten qysh e rrxove? Ti nuk je i rrall dost, ti je veç budall” i dedikohet reperit Getoar Selimit njohur ndryshe si Ghetto Geasy, ndërsa “Fansat e juj kur rriten bohen tmit, se muzikën që pe boni osht mi argtu fmit” për Noizy-n. Madje ata shkojnë deri aty sa shkruajnë se një pjesë tjetër e cituar nga teksti “Po ni po i thu shumë do sene, për mu shumë n'do vene. Don mi mat tash forcat? Jaran s'koke n'mëne” i drejtohet Dudës, reperit kosovar.
Unikkatil ka një karrierë të gjatë në industrinë e muzikës duke qënë aktiv që nga viti 1995 kur publikoi këngën e tij të parë, e më vonë një listë të gjatë të tyre kur u transferua në Bronx, New York ku edhe themeloi grupin shqiptar të repit ‘TBA’. Deri më tani Unikkatil, emri i vërtetë i së cilit është Viktor Paloka ka publikuar 4 albume.
Duke dëgjuar këngën e tij, mendoni se fjalët i drejtohen dikujt konkretisht apo është thjesht një tekst që tenton të ‘godasë’ publikun? Fundja ‘lufta’ mes reperave nëpërmjet teksteve të këngëve shihet shpesh edhe në muzikën ndërkombëtare.
