Blake Lively i paska disa kritika për "Gossip Girl" edhe pse, prej këtij seriali u bë e njohur.
Në disa prej mesazheve të shkëmbyera në gusht të vitit 2024 me aktorin Brandon Sklenar, ajo ka kujtuar se gjatë xhirimeve të "Gossip Girl" produksioni nuk e lejonte të gjente kohë për t'u bërë pjesë e projekteve të tjera.
"Seriali im më pengoi të kisha mundësi të tjera jashtë tij, dhe tani e kuptoj sa e vështirë ishte kjo. Mund të kisha bërë më shumë, bashkë me ekipin tim, për të krijuar hapësirë për disa momente gjatë xhirimeve, që të respektoja punën që bëja jashtë serialit,” shkruante ajo.
Blake Lively ishte një ndër personazhet kryesore të serialit dhe ishte pjesë e xhirimeve në të gjashtë sezonet.
“Ndihen sikur u detyrohesh, prandaj përpiqen të zbehin dritën tënde që ti të mos jesh më i/e mirë se ata. Por kjo nuk ka ndikimin që ata synojnë. Të detyrojnë të zemërohesh dhe të duash të largohesh. Nëse thjesht do të kishin krijuar hapësirë që të bëje punën që të nevojitej në një mënyrë që funksiononte për të gjithë, do të ndiheshe mirënjohës/e. Kjo ishte përvoja ime në serial dhe e gjithë të tjerëve."
Në vazhdim të bisedës, ajo i jepte disa këshilla aktorit se si mund të menaxhonte më mirë kohën gjatë promovimit të filmit "It Ends With Us', ndërkohë që ai duhej të ishte edhe në disa xhirime të tjera.
Këto nuk janë mesazhet e para që qarkullojnë në media këto ditë. Çështja gjyqësore mes saj dhe Justin Baldoni-t po përfshin edhe shumë emra të tjerë, të cilët kanë shkëmbyer biseda me aktoren.
