Desmond Scott, ka reaguar përmes një story në Instagram ndaj lajmeve që kanë qarkulluar mbi marrëdhënien e tij me Kristy Scott, duke pranuar tradhtinë e duke i kërkuar ndjesë fillimisht asaj.
"Dua ta nis duke i kërkuar ndjesë Kristy-t, familjes sonë dhe të gjithëve që janë prekur nga vëmendja publike rreth kësaj situate. E di që ky lajm ka qenë zhgënjyes për shumëkënd dhe më vjen sinqerisht keq për dhimbjen që ka shkaktuar."
Sipas tij, marrëdhënia mes dyshes prej kohësh kishte qenë sfiduese. Në fund të vitit të shkuar ai u shpreh se kishte kërkuar të ndahej prej saj. "Zgjedhje për të cilat nuk jam krenar", kështu e cilësoi ai tradhtinë, duke zbuluar se ky ishte shkaku kryesor i divorcit.
"Unë dhe Kristy jemi përballur me sfida dhe kemi bërë përpjekje të sinqerta për t’i kapërcyer ato. Në fund të vitit 2025, dëshiroja të ndaheshim dhe kam pasur biseda të hapura me Kristy-n për këtë. Gjatë kësaj periudhe kam bërë zgjedhje për të cilat nuk jam krenar. Kam marrë përgjegjësinë për këto veprime, ia kam komunikuar asaj drejtpërdrejt dhe personalisht, dhe në fund vendosëm të divorcohemi. Kërkoj privatësi dhe mirëkuptim teksa përballemi me këtë kapitull të vështirë të jetës sonë."
Sipas raportimeve, Kristy (Sarah) Scott, pasi zbuloi tradhtinë e të shoqit, i ishte drejtuar gjykatës me një kërkesë për divorc në 30 dhjetor të vitit të shkuar.
Reagimi i fansave ndaj lajmit ishte i menjëhershëm dhe i gjerë. Për shumë prej tyre, ndarja ishte e papritur, duke marrë parasysh se çifti shpesh ndante momente të përditshme të familjes dhe video gazmore. Mosprania e Desmond në postimet e fundit të Kristy-t në dhjetor 2025 nxiti spekulime edhe para se lajmi të bëhej publik. Dokumentet ligjore tregojnë se nuk ka rrugë reale për ribashkim dhe se ata “shumë shpejt do të ndalojnë së jetuari si burrë dhe grua.”
View this post on Instagram
