ACQUAZUMBA
Tashmë të gjithë e njihni zumbën! Pse të mos bëni tuajën edhe zumbën e ujit?! Lëvizjet kanë në bazë kërcimin dhe gjimnastikën nën ritmet amerikano-latine, të cilat realizohen në ujë. Kjo tendencë ka gjetur përkrahje kudo në botë. Ushtrime të tilla janë mjaft të mira për tonifikimin e muskujve dhe për qarkullimin e gjakut, si dhe të falin më tepër fleksibilitet.
TRIATHLON
Ky kurs ka të bëjë me kombinimin e tri mënyrave të ndryshme të gjimnastikës që mund të bëhet në pishinën dimërore. Lëvizjet kanë një intensitet të lartë dhe shfrytëzojnë disa prej ushtrimeve të hydrobike-ut dhe acquagym-it. Pra ky kurs është një leksion intensiv, i cili e rrit shpejtësinë e ushtrimeve dalëngadalë.
ACQUAFITNESS
Ky kurs ka në bazë të tij një sërë lëvizjesh, të cilat duhet të tonifikojnë muskujt. Lëvizjet që propozohen me acquafitness janë të vështira dhe impenjative, por nuk sforcojnë strukturën kockore.
HYDROBIKE
Ky lloj specialiteti i kursit në pishinën dimërore është i një vështirësie mesatare. Ushtrimet kanë të bëjnë me një pedalim të vazhdueshëm të këmbëve në ujë, që lidhen me kardion, çka përkthehet në oksigjenim më të mirë të muskujve. Hydrobike bazohet kryesisht në ushtrimet e forcës dhe të rezistencës. Ky kurs këshillohet edhe për sportistët, të cilët duhet të kryejnë përgatitje atletike.
ACQUAGYM
Ose e thënë ndryshe, gjimnastikë në vaskë. Kurse të tilla tashmë gjenden lehtësisht në Tiranë. Ushtrimet kanë një intensitet mesatar, të cilat shfrytëzojnë ujin si vegël kryesore. Acquagym ndihmon në përmirësimin e qarkullimit të gjakut të këmbëve dhe abdominaleve. Këto ushtrime rekomandohen edhe për djegien e dhjamit dhe për personat që kanë probleme shpine. Nuk ka rrezik traumash, ndaj mund të praktikohet nga të gjitha grupmoshat.
