Drejtoresha e Burimeve Njerëzore në kompaninë amerikane të teknologjisë Astronomer, Christine Cabot, ka dhënë dorëheqjen pas incidentit të bujshëm që ndodhi gjatë një koncerti të grupit Coldplay, ku ajo u filmua duke përqafuar ish-drejtorin ekzekutiv të kompanisë, Andy Byron.
Pamjet, të cilat u transmetuan nga e ashtuquajtura “kamera e puthjes/kisscam” gjatë koncertit, treguan dyshen teksa përqafohen dhe përpiqen të fshihen sapo kuptojnë që janë në ekranin gjigant. Reagimi i çiftit ka shkaktuar një lumë komentesh, meme dhe talljesh në rrjetet sociale.
View this post on Instagram
Madje, edhe vetë këngëtari i Coldplay, Chris Martin, komentoi skenën duke thënë me humor:
“Ata ose janë në një lidhje, ose janë thjesht shumë të turpshëm.”
Dorëheqja e Cabot vjen menjëherë pas largimit të Andy Byron nga posti i CEO-së javën e kaluar. Kompania Astronomer, e specializuar në teknologjinë e të dhënave, kishte njoftuar më herët se ai do të pezullohej nga puna, ndërsa do të zhvillohej një hetim i brendshëm.
Burime brenda kompanisë kanë thënë se incidenti kishte shkaktuar pakënaqësi të konsiderueshme brenda stafit, veçanërisht për shkak të natyrës së marrëdhënies së supozuar dhe pozicioneve të larta që të dy mbanin në hierarkinë drejtuese.
