Nga një emoji në Instagram, te përgjigjet me humor në intervista dhe udhëtimet që linin ndjekësit të lexonin mes rreshtave, marrëdhënia e Capital T dhe Adrolës shpesh është shoqëruar me fjalët “dyshime”, “romancë” dhe “lidhje e fshehtë”. Por çfarë ka ndodhur ndër vite realisht mes modeles dhe reperit?
Korrik 2020 – Fillimi i aludimeve
Një foto e Capital T me Adrolën, shoqëruar me një emoji zemre, ndezi rrjetin.
Disa ditë më vonë u zbulua se modelja ishte pjesë e videoklipit “C’est la vie” – dhe thashethemet për një lidhje mes tyre nisin menjëherë.
Gusht 2020 – “Unë jam playboy”
Thashethemet morën hov të mëtejshëm pas një veprimi të pazakontë të reperit. Një ndjekës i shkoi Capitalit se “Capo dhe Adrola janë në lidhje” duke pretenduar se ata kishin kaluar pushimet së bashku. Reperi u përgjigj shkurtimisht, duke shkruar: “Unë jam playboy”, një reagim ironik. Kjo deklaratë e tërthortë u pa si mohim i thashethemeve, megjithëse fansat vijuan të dyshojnë për një romancë mes tyre.
Gjatë 2021-shit – “Vetëm miq”
Në këtë periudhë nuk pati ndonjë zhvillim publik domethënës rreth raportit, por thashethemet qarkullonin.
Maj 2022 – Dyshime dhe përgënjeshtrime
Historia kthehet sërish në fokusin e mediave pas një fotografie të publikuar online, ku dy persona të maskuar me kapele - të dyshuar si Capital T dhe Adrola Dushi - shihen së bashku në një aeroport. Kjo foto ngriti përsëri dyshimet se dyshja po udhëtonin bashkë.
Adrola, në “Më lër të flas”, thotë: “Jam në lidhje me veten.” Pak javë më vonë, edhe Capital T mohon: “E kam vetëm shoqe.”
14 shkurt 2023 – Sekreti buzë detit
Në Ditën e të Dashuruarve, Capital T poston një foto pranë një vajze misterioze, buzë detit. Fansat dyshojnë se është Adrola, për shkak të siluetës dhe çantës YSL – një detaj i përbashkët me postimet e saj më herët.
Korrik 2023 – Ai pranon “E kam për vete”
Si rrallëherë, Capital T foli për jetën private dhe pohoi se është në një lidhje. “Për mua është më e bukura në botë, për të tjerët s’e di, e kam për vete,” tha ai në “Radar” në Radio Dukagjini.
22 gusht 2023
Gjatë një koncerti ku po performonte jashtë Kosovës, Capital T u vu “me shpatulla pas muri” nga disa fanse. Vajzat në publik i afruan telefonat me shkrimin “Ku është Adrola?”, duke e pyetur hapur reperin për modelen. Ai përdori gjuhën e trupit duke nënkuptuar se “Adrola është duke fjetur”. Kjo skenë u regjistrua dhe u bë virale në TikTok, ndërsa fansat e interpretuan si një tjetër shenjë të afrimitetit mes tyre.
Qershor 2024 – “Ai është djali më i bukur shqiptar”
E ftuar në “S’e luan topi”, Adrola u pyet nga gazetarja Erjona Rusi nëse ishte në një lidhje dashurie, Adrola pranoi se është e dashuruar: “Mund të themi që është djali më i bukur shqiptar, mjafton?”
E pyetur nëse është Capital T (ndërkohë që në sfond vendoset një këngë e tij), ajo qesh dhe thotë: “Unë këtë këngën e pëlqej shumë, faleminderit që e vendosët. Capital T është shumë i bukur dhe këtë nuk e mohojmë dot."
Gusht 2024 – Bashkë në koncert
Adrola merr pjesë në koncertin “Time Capsule” të Capital T në Tiranë. Pas eventit, ajo poston foto krah tij me përshkrimin: “Time Capsule nuk zhgënjen asnjëherë.”
Mars 2025 – Bashkë, në pushime dhe jo vetëm
Në muajt e parë të 2025-it, Capital T dhe Adrola u panë duke kaluar pushime së bashku jashtë vendit – gjë që u nënkuptua nga postimet e tyre pothuajse identike në rrjetet sociale, në të njëjtat destinacione ekzotike.
Gjatë festës së 33-vjetorit të saj, reperi publikoi video dhe foto nga atmosfera, ku ndër të tjera shfaqej duke ecur dorë për dore me Adrolën, si dhe një imazh të saj.
Qershor 2025 – Fundjavë në Toskanë
Pak ditë më parë, të dy udhëtuan drejt Toskanës për një fundjavë romantike. Edhe pse nuk publikuan foto së bashku, lulet, ora e Adrolës dhe sfondi i njëjtë në postimet e tyre flasin vetë.
Fotot e publikuara nga Capital T:
Postimet e Adrolës:
Tani, a do të kemi një konfirmim zyrtar? Apo ndoshta...nuk kemi më nevojë për të.
