Kylie Jenner ka vendosur të mos mbajë më sekrete mes vajzash kur vjen puna te operacionet plastike – të paktën lidhur me gjoksin.

Në një koment të papritur në TikTok, 27-vjeçarja zbuloi detaje shumë të sakta rreth ndërhyrjes së saj. Pasi një ndjekëse e quajti gjoksin e saj “më të bukurin dhe natyralin që ka parë ndonjëherë”, Kylie u përgjigj:

“445 cc, profil mesatar, gjysmë poshtë muskulit!!!!! silikon!!!”

Që përkthehet: Kylie Jenner ka bërë zmadhim gjoksi me implante silikoni, madhësi 445 cc, profil mesatar, të vendosura pjesërisht poshtë muskulit, për një efekt sa më natyral dhe të balancuar. Dhe po, me kaq entuziazëm dhe pikëçuditëse e zbuloi ajo sekretin e saj.

Kylie shtoi edhe emrin e kirurgut të saj në Beverly Hills, Dr. Garth Fisher – një emër që mesa duket qarkullon prej kohësh në rrethin Kardashian, pasi edhe Kourtney dhe Khloé janë trajtuar prej tij për ndërhyrje të ndryshme.

Në të njëjtin koment, Kylie përmbylli me:

“Shpresoj të të ndihmojë.”

Fansat e përgëzuan menjëherë për sinqeritetin, duke e quajtur një “girls’ girl” dhe një “mbretëreshë” për mënyrën si e ndau eksperiencën.

Kujtojmë që për vite me radhë, ylli i “The Kardashians” mohoi çdo ndërhyrje kirurgjikale, duke thënë në 2015-n se thjesht kishte shtuar peshë dhe trupi i ishte formuar më shumë:

“Nuk kam bërë implante gjoksi! Thjesht jam rritur dhe jam mbushur.”

Edhe pse më pas, në vitin 2023, e pranoi se kishte bërë ndërhyrje në gjoks në moshën 19-vjeçare dhe madje shprehu pendesë për vendimin:

“Do doja të mund ta ktheja kohën pas. Nuk do prekja asgjë. Do më thyhej zemra nëse Stormi (vajza e saj) do donte të operohej në moshën 19 vjeç.”

Getty Images

Kylie ka qenë gjithmonë nën lupën e publikut për pamjen e saj dhe spekulimet rreth ndërhyrjeve nuk kanë munguar kurrë. Ajo vetë ka sqaruar më parë se ka bërë vetëm mbushje në buzë dhe se ka qenë gjithnjë “me vetëbesim” për pamjen e saj – përkundër asaj që mendojnë të tjerët.

Në çdo rast, kjo është hera e parë që jep një “recetë” kaq të saktë kirurgjikale – dhe ndjekëset, padyshim, e vlerësuan.

Artikuj të sugjeruar:

_{Burimi: Page Six}