Stina e verës është momenti ideal për të eksperimentuar me veshje që janë të lehta, të freskëta dhe plot finesë. Nga trendet e momentit deri te detajet romantike, ky sezon vjen i mbushur me kombinime që duken të vështira apo shumë të kuruara, por janë të lehta për t’u arritur.

Disa ide:

Thekso detajet romantike

Mëngët e fryra, dantellat dhe detaje të ngjashme janë elementë që e e bëjnë veshjen të duket më elegante. Provo të kombinosh një bluzë me të tilla detaje me pantallona klasike ose xhinse për një stil shumë veror dhe të bukur.

Pikat janë gjithmonë një zgjedhje e sigurt

Pikat arrijnë gjithmonë të duken klasike, lozonjare dhe të bukura në të njëjtën kohë. Zgjidh modele në ngjyra neutrale si e bardha me të zezën. Fustanet apo bluzat me pika janë gjithmonë një mënyrë e lehtë për të shtuar feminitet në veshje.

Kombino të bardhën me të zezën

Një veshje krejtësisht e bardhë është e pastër dhe elegante, por kontrasti me të zezën e bën të duket shumë më bukur.

Mjafton një palë sandale të zeza, një çantë klasike dhe syze dielli për të krijuar një pamje të sofistikuar dhe minimale.

Flokët e kapura dhe aksesorë gold

Kur vendos aksesorë gold, mblidh flokët për një efekt më clean/të pastër. Ky kombinim thekson ngjyrën e lëkurës dhe krijon një pamje elegante me shumë pak mund.

Kombinim klasik: Fundi mëndafshi me bluzë të bardhë

Ky është një ndër kombinimet më të thjeshta dhe më të sofistikuara për verë. Një fund mëndafshi i lehtë me një bluzë të bardhë e të pastër krijon një pamje që funksionon në çdo rast, qoftë për një dalje të zakonshme apo për një darkë.

Zgjidh një fustan sateni

Një fustan saten që të rri mirë nuk ka nevojë për shumë detaje ekstra, vetë silueta e tij është e mjaftueshme. Zgjidh ngjyra neutrale si bezhë, kafe apo jeshile e lehtë për një ndjesi luksoze.

Artikuj të sugjeruar: