Sofía Vergara di gjithmonë si ta bëjë internetin të mbajë frymën – dhe këtë herë, veshi një trupore plazhi me dekolte të thellë dhe lidhëse në pjesën e përparme që bëri namin. E dukshme? Po. Por funksionale? Akoma më shumë.

Ky detaj me lidhëse përpara nuk është thjesht estetik – është një truk për vajzat me gjoks të madh: ngre, mbështet dhe formëson pa sakrifikuar stilin. Dhe pjesa më e bukur? Ky truk funksionon edhe te modelet më buxhetore që gjenden online.

Pse ky model është kaq i dashur për trupin?

Lidhëset përpara e bëjnë rrobën më të personalizueshme dhe të sigurt për bustin. Materialet elastike si najloni dhe spandeksi krijojnë një efekt formues për trupin. Dizajni i thellë V shton pak "drama" vizuale pa i hequr funksionalitetin.

Për kë është ky stil?

Vajzat që kanë nevojë për mbështetje reale, jo thjesht dizajn. Ato që duan të duken seksi, por pa dalë nga zona e tyre e rehatisë. Dhe ato që thjesht duan të bëjnë një foto në pishinë si Sofía, por me buxhet të zakonshëm.

Nëse po vrsini mendjen nëse modele të tilla mund t'i përdorni dhe në përditshmëri, jo vetëm nëpër rrobat e banjos, përgjigjja është po! Shikoni kombinimet e ngjashme që kanë bërë dhe gocat shqiptare duke ndjekur qartësisht këtë truk:

@einxhel_shkira

Einxhel ka zgjedhur një bluzë verore me lidhëset para dhe rripa në supe, për ekstra siguri dhe rehati.

@marina_vjollca

Modeli i Marinës ka kapëset metalike para që funksionojnë njësoj si lidhëset dhe një rrip që lidhet në qafë - sërish - për ekstra siguri.

@oltagixhari

Bluza e Oltës mban lidhur me një rrip gjithë pjesët e ndara të bluzës. Duke e liruar dhe shtrënguar sipas nevojës apo peferencave, modeli ju jep sigurinë e dëshiruar.

@loredanabrati13

Truku në rastin e Loredanës ka një kthesë tjetër: Duke veshur një fustan me korse, sigurohesh që gjoksi të qëndrojë i ngritur dhe "i sigurt" prej incidenteve të mundshme gjatë lëvizjes.

@zaimina_vasjari

I njëjtë është dhe rasti i Zaiminës, korseja e së cilës jep më shumë siguri për pjesën e sipërme të dekoltesë e cila qëndron më e lirshme në trup. 

Artikuj të sugjeruar: