Pas vitesh polemikash dhe deklaratash antisemitike, Kanye West ka kërkuar falje, duke theksuar se po përpiqet të ndryshojë. Të enjten, ai publikoi disa mesazhe në platformën X (ish-Twitter), duke deklaruar se i ka dhënë fund retorikës së urrejtjes.
“Kam mbaruar me antisemitizmin,” shkroi ai. “I dua të gjithë njerëzit. Zot, më fal për dhimbjen që kam shkaktuar. Edhe unë i fal ata që më kanë lënduar. Faleminderit Zot!”
Por çfarë e shtyu atë drejt këtij reflektimi?
Sipas vetë reperit, ishte një telefonatë me katër fëmijët e tij që e bëri të ndryshonte qëndrim dhe “e frymëzoi për të shpëtuar botën përsëri".
“Shpërndani paqe dhe dashuri,” shtoi ai.
Artisti 47-vjeçar më pas ndau me ndjekësit këngën e tij të re "Alive", në bashkëpunim me reperin YoungBoy Never Broke Again.
Një histori e gjatë me polemika
Kjo nuk është hera e parë që reperi kërkon falje. Në vitin 2023, ai shprehu keqardhje ndaj komunitetit hebre për komentet e tij të mëparshme, duke thënë:
“Nuk ishte qëllimi im të fyej apo poshtëroj askënd. Pendohem thellësisht për çdo dhimbje që mund të kem shkaktuar.”
Pavarësisht kësaj, qëndrimet e tij kanë vazhduar të jenë me të njëjtën retorikë antisemitike. Në vitin 2022, ai deklaroi se shihte “gjëra të mira te Hitleri”, teksa nisi edhe promovimin e veshjeve me simbole naziste, që më pas u ndaluan nga platformat përkatëse.
Në fillim të këtij muaji, kënga e tij e titulluar "Heil Hitler", u ndalua nga të gjitha platformat e transmetimit digjital, pasi përmbante gjuhë urrejtjeje.
Reagimet nga industria dhe ish-miqtë
Për shkak të sjelljes së tij, shumë partnerë në biznes kanë ndërprerë çdo lidhje me Kanye, përfshirë Adidas, Balenciaga dhe agjencinë e njohur të talenteve CAA.
Madje edhe miq dhe bashkëpunëtorë të dikurshëm kanë folur hapur për distancimin prej tij, duke mos u bërë palë më qëndrimet dhe deklaratat e tij.
Artikuj të sugjeruar:
- Kënga e Kanye West krijon debate dhe polemika: Urrejtje apo censurim
- Gjuhë urrejtjeje dhe antisemitizëm: Kënga e re e Kanye West shkakton polemika
- Çfarë po ndodh? Albumi i ri i Kanye West fshihet nga çdo platformë muzikore
- Çfaaarë?! Kanye West thotë se ka kryer marrëdhënie seksuale me kushëririn e tij 6-vjeçar O.o
- Kanye West thotë se nuk ka dashur të bëjë kurrë fëmijë me Kim Kardashian O.o
- Kanye West sulmon familjen Kardashian:
