Kanye West, i njohur gjithashtu si Ye, ka publikuar një këngë të re me titull "Heil Hitler", së bashku me një video muzikore që përmban elemente që kanë ngjallur një sërë polemikash.

Në videoklip, një grup burrash me ngjyrë, të veshur me lëkurë kafshësh, këndojnë fraza të tilla si "N****r, heil Hitler", ndërsa West këndon "I became a Nazi, I'm the villain"/U bëra nazist, jam personazh negativ".

Fraza e parë nënkupton një miksim mes shprehjes që përdoret për të diskriminuar njerëzit me ngjyrë dhe përshëndetjes që dikur i bëhej liderit famëkeq gjerman.

Në fund të këngës, është përdorur një fragment i një fjalimi të Adolf Hitlerit nga viti 1935. Kënga është publikuar më 8 maj 2025, ditën e Ditës së Fitores së Europës ndaj Nazizmit, duke shkaktuar reagime të ashpra për momentin e zgjedhur për ta ndarë këtë këngë, teksa shumë vende që kanë vuajtur tiraninë e liderit gjerman festojnë rrëzimin e tij.

Në një postim në platformën X (ish-Twitter), West ka shpjeguar se kënga është frymëzuar nga zemërimi për shkak të humbjes së kujdestarisë për fëmijët e tij dhe ngrirjes së llogarisë bankare.

"Këta njerëz më morën fëmijët dhe më ngrinë llogarinë bankare, kam kaq shumë zemërim brenda meje."

Publikimi i këngës ka shkaktuar reagime të ashpra nga komuniteti hebre dhe organizatat që luftojnë kundër antisemitizmit. Videoja është hequr nga disa platforma për shkak të shkeljes së politikave kundër urrejtjes, por vazhdon të qarkullojë në disa faqe interneti.

Artikuj të sugjeruar: