Austria, me JJ dhe këngën “Wasted Love”, u shpall fituese e Festivalit të 69-të të Eurovision, duke siguruar pikët maksimale në renditje nga juria, publiku dhe vendet e tjera konkurrente.

Megjithatë, mes 26 vendeve pjesëmarrëse, dy prej tyre nuk arritën të marrin asnjë pikë nga televotimi i publikut. Një nga to ishte pikërisht vendi organizator, Zvicra, i cili grumbulloi 214 pikë në total, të gjitha nga juria, ndërsa publiku nuk i dha asnjë pikë.

Vendi tjetër që nuk arriti të emocionojë publikun ishte Mbretëria e Bashkuar. Këngëtaret e grupit "Remember Monday" e pritën me zhgënjim rezultatin, pasi morën 0 pikë nga televotimi. Ky është viti i dytë radhazi që Britania nuk merr asnjë pikë nga publiku në Eurovision.

Shikoni reagimet:

Ndërkohë, JJ me “Wasted Love” u shpall fitues me 79 pikë diferencë karshi Yuval Raphael, e cila përfaqësonte Izraelin me këngën “New Day Will Rise”.

Në total, Austria grumbulloi 436 pikë, një përmbledhje e votave të jurisë dhe publikut. Izraeli grumbulloi 357 pikë.

Ndërkohë, Shqipëria u rendit në vendin e tetë. Ajo që ka shumë rëndësi është përfaqësimi shumë i mirë i Shkodrës Elektronike, e cila u vlerësua shumë nga publiku.

Eurovision u zhvillua në Basel të Zvicrës, në tematikën “Welcome Home”, pas fitores së Nemo me këngën “The Code”, i cili vjet çoi në shtëpi pas fitores së Celine Dion në vitin 1988.

Artikuj të sugjeruar: