Rezulton që Durex nuk është thjesht një emër me tingull paksa mjekësor apo ndonjë përzierje fjalësh si “DURing sEX”, pra "gjatë seksit" (siç kanë menduar shumë njerëz deri më tani), por në fakt është një akronim që qëndron për: DUrability (qëndrueshmëri), Reliability (besueshmëri) dhe Excellence (përsosmëri).
As Shakespeare-it s’do i kishte shkuar kurrë mendja për këtë kombinim. Natyrisht, duke qenë se këto fjalë nuk përshkruajnë gjithmonë eksperiencat tona personale (veçanërisht "përsosmëria" është pak e ekzagjeruar), jemi paksa të tronditur nga ky zbulim – dhe nuk jemi të vetmit.
“Unë mendoja që ishte akronim për DURing sEX,” shkroi një komentues me imagjinatë në Instagram.
“Nuk e dija që Durex qëndron për DUrability, Reliability, EXcellence,” shkroi një tjetër përdorues në X.
Ndërkohë që për disa njerëz kjo është një zbulesë e re, emri ka qenë që në fillim një akronim, që kur kompania u riemërua si Durex në vitin 1929.
Historia tregon se “etërit e prezervativëve” të Durex menduan për këtë emër, sepse këto tre cilësi – qëndrueshmëri, besueshmëri dhe përsosmëri – ishin ato për të cilat ata synonin në produktet e tyre.
Sipas faqes zyrtare të Durex, kompania “ka prodhuar prezervativë me përbërësit më cilësorë që nga viti 1929”.
Tani që dini kuptimin e emrit Durex, ka një mantrë të re trefjalëshe para seksit për të pëshpëritur para pasqyrës: Qëndrueshmëri. Besueshmëri. Përsosmëri. Po ju dini vetë si të veproni gjithsesi. ;)
Artikuj të sugjeruar:
