Bota e tendencave të flokëve po evoluon vazhdimisht, duke kombinuar stilet klasike me elementet moderne dhe duke i lejuar njerëzit të eksperimentojnë me pamjen e tyre pa hequr dorë nga identiteti personal. Stilet e spikatura të këtij sezoni nxjerrin në pah elegancën, guximin, duke dëshmuar se çdo lloj floku mund të ketë hijeshinë e tij unike.
Balluket "perde"
Balluket “perde” nuk kanë nevojë për prezantim të veçantë. Balluket, të cilat, siç tregon edhe emri i tyre, inkuadrojnë fytyrën si perdet në dritare, vazhdojnë të jenë një nga zgjedhjet më të preferuara për ata që duan të ndryshojnë pamje pa humbur gjatësinë nga flokët. Ky stil i ka rrënjët në vitet '60 dhe '70, por versioni i tij modern i përshtatet çdo teksture dhe tipi floku - nga i drejti në kaçurrelë dhe nga i gjatë në më të shkurtër.
Bob me majat e kthyera
Kur flasim për tendencat e fundit të flokëve, ka një fitues të padiskutueshëm: bobi klasik dhe elegant. Këtë sezon dominon versioni i kthyer, i njohur ndryshe si stili me skajet e kthyera nga jashtë, që të kujton diçka nga vitet 1960. Kthimi mund të jetë i lehtë ose jo dhe mund të krijohet shumë lehtë në shtëpi.
Biksi i viteve '90
Prerjet e shkurtra kohët e fundit po fitojnë gjithnjë e më shumë fansa dhe më të guximshmit do ta gjejnë stilin ideal tek bixie. Kombinimi i prerjeve flokësh bob dhe pixie krijon këtë stil të ri që është në një zonë të ndërmjetme, me frymëzim që vjen direkt nga vitet 1990 dhe yjet e kësaj epoke. Prerja e flokëve ka shtresim intensiv që i shton dendësi dhe teksturë flokëve, dhe rezultati është sa elegant dhe i mprehtë.
Burimi: Marie Claire
Artikuj të sugjeruar:
