Ky nuk është ndonjë lajm: orgazma e bën burrin dhe gruan të reagojnë ndryshe pasi e kanë kaluar atë. Ajo ka një efekt të thellë nxitës të gjumit për meshkujt, kurse gratë ndihen më të dashura dhe energjike.

Kjo mospërputhje reagimesh me të drejtë mund të nxisë konflikt në çift, ama ka një zgjidhje: biseda në jastëk pas seksit. Kjo pasi mashkulli të ketë bërë dremitjen 10-minutëshe që i nevojitet pas orgazmës – faji i natyrës, jo i grave – mos e merrni personale!

Ja çfarë nuk duhet të thoni gjatë bisedës në jastëk:

- “Më acaron që bën gjithmonë kështu pas seksit.”

- “A të thashë ta rregulloje lavamanin dje?”.

- "Ishte e mrekullueshme, por hera e kaluar ishte më mirë."

- "Si mund të përmirësohemi herës tjetër?"

- Analiza të thella të të gjithë performancës.

Çfarë të thoni:

- "Zot, më pëlqeu mënyra se si ma puthje qafën/ bëre atë me gjuhën tënde/i përdore duart, etj.."

- "Je shumë i/e mirë në seks."

- "Më pëlqen shumë si ndihesh / dukesh / rënkon gjatë seksit."

- Çdo kompliment që fillon me emrin e tij/saj.

Nëse ka një kohë për t'u lidhur thellë me bashkëshortin/en tuaj, pika më e ëmbël është pasi keni kryer marrëdhënie seksuale. Kimikatet e lëshuara nga trupi do të sjellin një cenueshmëri unike për të dy. Ndaj dhe është më mirë të qëndroni pozitivë gjatë kësaj bisede – të dy jeni të zhveshur në shumë mënyra.

Nëse ndiheni të sigurt, mund të jetë gjithashtu një kohë për të sjellë tema të ndjeshme – por vetëm sepse të dy ndiheni të hapur dhe se keni besim tek njëri-tjetri. Nëse e ndjeni se ai/ajo nuk është gati, mos i bëni presion - mbani mend, gjithçka ka të bëjë me mbajtjen e humorit pozitiv dhe të rehatshëm.

Artikuj të sugjeruar:

Burimi: Your Tango