Nasa pretendon që njerëzit të fillojnë të jetojnë në Hënë këtë dekadë
Njerëzit mund të qëndrojnë në Hënë për periudha të gjata kohe gjatë kësaj dekade. Të pakën kështu janë shprehur zyrtarë të Nasës.
Hoëard Hu, i cili drejton programin e anijes kozmike hënore për agjensinë, tha se habitatet do të jenë të nevojshme për të mbështetur misionet shkencore.
Lëshimi i raketës Artemis të mërkurën, sipas tyre është një "ditë historike për fluturimin në hapësirë të njerëzimit."
Krahas Nasa-s, kjo është gjithashtu një ditë historike për të gjithë njerëzit që e duan fluturimin e hapësirën dhe eksplorimin e saj.
"Ne po kthehemi sërish në Hënë, po punojmë drejt një programi të qëndrueshëm dhe ky është mjeti që do të mbajë njerëzit që do të na zbresin përsëri në Hënë."- u shprehën ata.
Sipas sekretarit amerikan të mbrojtjes, paralajmëron për rrezikun e “një bote tiranie”
Agresioni rus ndaj Ukrainës ofron një pamje të “një bote të mundshme tiranie dhe trazirash”, tha të shtunën Sekretari amerikan i Mbrojtjes, Lloyd Austin në një fjalim gjatë një forumi sigurie në Kanada.
Komentet e tij ishin ndër më të fortat deri më sot mbi nevojën e ndihmës nga komuniteti ndërkombëtar që Kievi të fitojë pas gati nëntë muajsh lufte. Ai foli në një moment që mund të shënojë një pikë kthese në konflikt.
Pas një sërë humbjesh në fushën e betejës, Rusia ka vënë në shënjestër të sulmeve me raketa infrastrukturën energjetike të Ukrainës, gjë që mund të ekspozojë miliona civilë ndaj të ftohtit të dimrit. Moska shpreson të frenojë mbrojtjen me raketa të Ukrainës dhe të blejë kohë për të rikthyer forcat e saj.
Nis sot Kampionati Botëror i Futbollit
World Cup nis sot, duke shënuar kështu fillimin e ngjarjes më të madhe sportive në botë. 32 kombëtare do të luftojnë përballë njëra tjetrës për titullin kampion.
Eventi sportiv do të zhvillohet në Katar dhe për herë të parë nis në dimër. Gjithçka do të nisë sot në orën 17:00 në stadiumin “Al Bayt”, aty ku do të ballafaqohen Katari me Ekuadorin. Kampionati përfundon në 18 dhjetor.
Kjo tufë delesh për 12 ditë pa ndalim ka bërë ecje rrethore
Dhjetra dele janë filmuar në një ecje misterioze rrethore për 12 ditë radhazi në rajonin qëndror kinez të Mongolisë, një fenomen që ka mbetur ende i pakuptueshëm për ekspertët.
Sjellja e çuditshme e regjistruar nga kamerat e sigurisë tregon tufën e madhe që marshojnë “të hipnotizuara” në një formë të përkryer rrethore në fermën e tyre.
Delet raportohet se kanë nisur ecjen e tyre prej 4 nëntorit dhe nuk është e qartë nëse do të ndalojnë për të ngrënë ose për të pirë.
Disa kanë spekuluar se sjellja mund të shkaktohet nga një bakter i quajtur Listeriosis që më parë ka shkaktuar prishje të zakoneve të sjelljes te delet, duke i bërë anoreksike, në depresion apo të çorientuara dhe shoqërohet me përkeqësim të shëndetit të kafshëve.
