Nëse keni tashmë një punë dhe ka arsye që ju bëjnë të mendoni largimin nga ai mjedis pune, ose nëse jeni duke kërkuar një punë ndërkohë që aktualisht nuk jeni i punësuar, ekziston një muaj specifik i vitit që është më i përshtatshmi për të gjetur pozicionin që dëshironi.
Në Amerikë, e quajnë “ Valën e Shtatorit”. Sipas Girlboss, nga 1 shtatori e tutje, kompanitë e të gjitha llojeve fillojnë të kërkojnë me ngulm punonjës. Ky informacion konfirmohet edhe nga konsulentja e biznesit Chanelle Howell, e cila ishte një nga të parat që foli në TikTok për këtë çështje.
“Jemi në mes të tremujorit të tretë të vitit, drejtuesit e lartë po kthehen nga pushimet dhe kompanitë ende kanë buxhete që nuk i kanë ndarë askund”, shpjegon Howell.
Ky është një trend që i shtyn kompanitë të pajisin më mirë departamentet e tyre me personel, në mënyrë që të arrijnë objektivat që kanë vendosur për vitin. Ky trend fillon procesin që rezulton në hapjen e shumë vendeve të reja të punës dhe në plotësimin relativisht të shpejtë të personelit të tyre.
Kjo periudhë zgjat rreth një muaj e gjysmë, pasi kompanitë duan të kenë mbushur çdo boshllëk në fuqinë punëtore dhe të kenë përmirësuar cilësinë e punës që ofrojnë ekipet e tyre. Kjo konfirmohet edhe nga HuffPost, pavarësisht faktit se kohët e fundit kemi dëgjuar për fenomene të tilla si shkurtimet e heshtura, të cilat i ngjajnë shkurtimeve nga puna, por nuk klasifikohen zyrtarisht si të tilla.
