Mike Tyson tha se "vetë djalli" do të shfaqej të premten në mbrëmje gjatë ndeshjes së tij të boksit kundër Jake Paul-it. Ai i dha Paul-it një paralajmërim gjatë matjes të enjten.
Pas peshimit, Tyson iu afrua Paul-it për përballjen e fundit para ndeshjes të së premtes në stadiumin AT&T. Paul, i cili kishte peshuar një rekord karriere prej 99 kilogramë, u hodh përpara nga një pozicion i ulur për t'u afruar me Tyson, duke i shkelur gjithashtu dhe këmbën ish-kampionit të boksit.
Në përgjigje të Paul, 27 vjeç, që hyri në hapësirën e tij personale, Tyson shpërtheu me një shuplakë të hapur që e goditi fort fytyrën e Paul-it. Të dy u ndanë shpejt nga forcat e sigurimit ndërkohë që Paul luajti përpara turmës, talli Tyson dhe qeshi me të.
Një burim i afërt me Tyson i tha ESPN se Tyson reagoi ndaj Paul që "me dashje" i shkeli këmbën gjatë përballjes. Sipas burimit, Tyson ishte lodhur nga fjalët e Paul-it dhe shtypja e këmbës së tij ishte pika kulmore që e nxiti këtë reagim.
Interneti nga ana tjetër, e ka shpërndarë videon e këtij momenti dhe komentet s’kanë qenë të pakta. Duke qenë se është komentuar shumë se ndeshja midis të dyve është e padrejtë dhe është vendosur në dyshim aftësia e ish-kampionit Tyson për të fituar ndaj kundërshtarit prej moshës së tij të vjetër, videoja bëri që opinion të ndryshojë.
“Tyson e goditi kaq shpejt sa Jake as që pati mundësi të vetëmbrohej,” tha dikush në komente. “‘As që e ndjeva’ tha Paul, por skuqja në fytyrën e tij thotë diçka tjetër,” shtoi një tjetër me shaka.
Mike Tyson dhe Jake Paul do të ndeshen ditën e nesërme, në orën 05:00 të mëngjesit, sipas orës në Shqipëri.
Artikuj të sugjeruar:
