Miliarderi i teknologjisë, Elon Musk kishte një mendim lidhur me marrëveshjen (e ndërlikuar) të emigrantëve mes Shqipërisë dhe Italisë dhe nuk hezitoi ta ndante në platformën e tij “X”.

Musk, duke iu referuar vendimit të gjykatave italiane për ndalimin e emigrantëve në qendrat e pritjes në Shqipëri, tha se gjyqtarët që qëndrojnë pas këtyre verdikteve duhet të largohen.

Mjaftoi një fjali nga miliarderi për të krijuar një “vorbull” reagimesh dhe kritikash.

Sekretari i Lega-s, Matteo Salvini, ndau menjëherë qëndrimin e Musk mbi këtë çështje, duke i bërë jehonë.

“Edhe një vendim tjetër i gjyqtarëve që pengon largimi i emigrantëve të paligjshëm nga territori italian nuk është një shuplakë për qeverinë, por një zgjedhje që rrezikon sigurinë dhe portofolin e italianëve”, shkruan Salvini.

Nuk munguan as zërat kundër. Ernesto Carbone, një anëtar laik i Këshillit të Lartë të Gjyqësorit (CSM), e quajti Musk një oligark që përbën rrezik për demokracionë në botë.

“Këta oligarkë të rinj që shfrytëzojnë botë të reja (si hapësira, eteri, mediat sociale dhe teknologjitë e reja) për të kontrolluar politikën botërore janë një rrezik për demokracinë”, shkruan deputeti i CSM-së.

Gjykata e Romës pezulloi qëndrimin e shtatë emigrantëve në Shqipëri, duke dërguar çështjen në Gjykatën Europiane të Drejtësisë.