Barry Keoghan, në një intervistë për GQ ka ndarë disa kujtime për nënën e tij të ndjerë, Debbie. Keoghan, 31 vjeç, foli për jetën e tij në Dublin pa baba, vdekjen e nënës kur ai ishte fëmijë dhe vitet që kaloi në jetimore para se të dashurohej me aktrimin.

Tanimë një yll, falë rolit të tij kryesor në ‘Saltburn’ dhe në ‘The Banshees of Inisherin’, aktori tha se ende ndihet "në vetmi të madhe", pavarësisht famës dhe suksesit të tij.

Kur u pyet se çfarë mendon kur ndihet i vetmuar, Keoghan tha: "Nënën time, gjithmonë. Ajo ka shumë vite që ka vdekur, por gjithmonë mendoj për të. E ndiej gjithmonë të pranishme, sidomos pas arritjeve të mia, sepse do të doja t'i festoja ato me të.”

"Ajo ishte në spital," ka shtuar më pas aktori.

Ai pranoi se e ëma "nuk ishte aq e pranishme në jetën e tij" para se ajo të vdiste duke rrëfyer se "ajo po luftonte me shumë gjëra".

Në pjesë të tjera të intervistës, Keoghan kujtoi jetën në sistemin e përkujdesit ditor para se gjyshja, xhaxhai dhe kushëriri i tij të bashkoheshin për të jetuar së bashku pas vdekjes së nënës. Keoghan shprehu se ka vendosur të blejë një shtëpi për ata.

Keoghan gjithashtu tregoi se nuk e sheh historinë e tij si diçka e pazakontë për ata që rriten në Dublin.

Nëna e Keoghan vuante nga varësia ndaj drogës dhe vdiq nga mbidoza e heroinës kur ai ishte 12 vjeç, siç raportoi ‘The Irish Post’ në vitin 2019. Aktori më pas jetoi në 13 shtëpi të ndryshme përkujdesi ditor para se ai dhe vëllai i tij, Eric, të jetonin me gjyshen e tyre.

Artikuj të sugjeruar: