Ben Affleck ka lavdëruar ish-bashkëshorten e tij Jennifer Lopez me një koment së fundmi, ndonëse ndodhen mes procedurave të tyre të divorcit.

Aktori, 52 vjeç, ka bërë një kompliment për Lopez, 55 vjeç, pas performancës së saj në filmin e ardhshëm "Unstoppable", në të cilin ai kishte rolin e producentit.

Gjatë një interviste, Affleck u shfaq së bashku me mikun e tij Matt Damon për të diskutuar mbi filmin dhe vlerësimet e tij të hershme. Affleck e krahasoi projektin me një tjetër film të tijin, "Small Things Like These", ku luan edhe aktori i "Oppenheimer" dhe "Peaky Blinders", Cillian Murphy.

"’Unstoppable’ është një film shumë i ndryshëm nga ky, por në një farë mënyre, ai është i rrënjosur në mënyrë të ngjashme në pasionin e artistëve vërtet të talentuar," tha ai. Duke përmendur shkurtimisht kastin, Affleck nuk mund të mos ndalej te Jennifer dhe foli për performancën e saj në film.

“Jennifer është spektakolare," tha ai, duke shtuar se filmi është "një tjetër krijim për të cilin ne jemi vërtet krenarë”.

“Ne besuam në njerëzit e duhur dhe ‘Unstoppable’ është një shembull tjetër i këtij suksesi,” shtoi ai.

Lopez bëri kërkesë për divorc nga Affleck më 20 gusht të këtij viti, pas dy vitesh martesë. Edhe pse ish-çifti nuk kanë rastisur së bashku në tapetin e kuq që atëherë, dyshja u pa së bashku duke drekuar në muajin shtator. Ndërsa burimet thanë se atë kohë Affleck dhe Lopez u puthën dhe u mbajtën për dore, ata gjithashtu konfirmuan se dyshja po vijon me ndarjen.

Affleck ishte i martuar më parë me Jennifer Garner, me të cilën ka dhe tre fëmijë. Lopez, nga ana tjetër, ka dy fëmijë me ish-bashkëshortin e saj, Marc Anthony.

Artikuj të sugjeruar: