Itali/ Një 17-vjeçar sulmon mësuesen
Një nxënës 17 vjeç ka sulmuar mësuesen në hyrje të shkollës, duke e goditur 3 herë me thikë. Policia ka ndërhyrë në shkollën profesionale “Enaip”, duke ndaluar djalin, i cili e ka goditur pas shpine mësuesen.
Ngjarja ka ndodhur rreth orës 8:00 të mëngjesit në Varese. Mësuesja, 57 vjeç, është dërguar në spital për të marrë ndihmën e parë dhe nuk ka rrezik për jetën, ndërsa djali është arrestuar dhe i është sekuestruar arma e krimit, të cilën e kishte sjellë nga shtëpia.
Sulmi në Turqi: 2 të vrarë dhe 6 të plagosur
Një tentativë për të sulmuar gjykatën e Caglayan tronditi Turqinë ditën e martë. Dy persona u vranë teksa përpiqeshin të kryenin sulmin. Personat ishin një burrë dhe një grua dhe u munduan të sulmonin një pikë kontrolli të sigurisë në gjykatë.
Më vonë, individët u identifikuan si anëtarë të “Frontit Revolucionar për Çlirim”, ose DHKP/C – grupi i cili nga Turqia dhe Shtetet e Bashkuara konsiderohet organizatë terroriste.
Ngjarja ndodhi rreth orës 11:46. Si pasojë e sulmit, mbetën të plagosur edhe 6 persona, 3 prej tyre policë.
Irani nis ndërtimin e një reaktori bërthamor
Irani u shpreh se ka nisur ndërtimin e një reaktori të ri bërthamor në Isfahan. Lajmi u bë me dije nga Mohammad Eslami, kryetari i Organizatës për Energji Bërthamore në Iran. Reaktori do të shërbejë për kërkime bërthamore në Isfahan.
Sipas REL, reaktori i ri po ndërtohet me synimin e krijimit të një burimi të fuqishëm neutron. Javën e kaluar, Eslami njoftoi edhe se do të ndërtohej një central bërthamor në Sirik, që do të përbëhej edhe nga 4 centralë të tjerë të mëvetësishëm.
Mbreti Charles diagnostikohet me kancer: Princi William mund të marrë detyra në vend të mbretit
Anëtarët e familjes mbretërore, përfshirë këtu edhe trashëgimtarin e fronit, princin William, mund të marrin detyra në vend të mbretit, i cili do të ndjekë kurimin dhe trajtimin e posaçëm për kancerin.
Gjithsesi, sa i përket vendimmarrjes së mbretit, gjërat nuk do të ndryshojnë, pasi Charles vijon të ketë rolin e vet kushtetues. Detyrat përkojnë me daljet dhe takimet publike si përfaqësues së mbretit.
Mbreti Charles III është u diagnostikua me kancer, konfirmoi pallati i Buckingham. Deri më tani dihet se nuk është kancer në prostatë, sipas analizave të kryera dhe nuk është treguar ende lloji i kancerit që ka prekur mbretin.
