Shawn Mendes ka vendosur të flasë hapur për seksualitetin e tij! Më 28 tetor, këngëtari adresoi zërat që po qarkullojnë për orientimin e tij seksual, teksa ishte duke performuar në Kolorado.
“E vërteta rreth jetës dhe seksualitetit tim është se po mundohem ta gjej, si të gjithë. Ndonjëherë nuk e di (cili është orientimi) dhe ndonjëherë e di. Kjo është e frikshem sepse jetojmë në një shoqëri ku njerëzit kanë shumë për të thënë rreth kësaj (çështjeje). Po mundohem të jem i guximshëm, ta lejoj veten të jem njeri dhe të ndiej gjëra. Kjo është e gjitha çfarë dua të them për momentin”, tha Mendes në një video të regjistruar nga një person që ishte prezent në koncert.
@lewisiana Shawn finally addressing his sexuality! #shawnmendes #friendsandfamily #redrock ? original sound - Andrew Lewis
Këngëtari i “Stitches” foli gjithashtu edhe për faktin që njerëzit kanë spekuluar rreth orientimit të tij seksual qysh kur ai ka qenë shumë i ri. “Mendoj se është pak gjë e çuditshme, sepse seksualiteti është diçka e bukur dhe e ndërlikuar, ndaj është e vështirë ta kornizosh”.
Ai më tej, u shpreh: “Është diçka që duhet ta gjej vetë. Ndonjëherë më duhet sikur ka ende më shumë për të zbuluar dhe kam ende për të zbuluar”.
Mendes, i cili më parë ka qenë i lidhur me Camilla Cabello, ka folur për seksualitetin e tij në podkastin “Armchair Expert” në vitin 2020, ku u shpreh se këto thashetheme e acaronin.
“Është një gjë shumë tinëzare. Ti do të thuash: “Nuk jam gay, por do ishte ok po të isha. Nuk ka asgjë të keqe të jesh, por unë nuk jam gay. Nuk di si të përgjigjem në një situatë të tillë”.
Edhe më herët, në një intervsitë për “Rolling Stone”, këngëtari u shpreh se nëse njerëzit pëlqejnë artin e tij, ç’u duhet prirja seksuale e artistit?
“Kjo është diçka që i vret njerëzit. Ja sa e ndjeshme është. I pëlqen këngët e mia? Më ke qejf mua? Kujt i intereson nëse jam gay?”.
Artikuj të sugjeruar:
