Sean “Diddy” Combs po përballet me një padi të re tronditëse. Sipas padisë së paraqitur në New York, ai ka droguar dhe përdhunuar një djalë 10-vjeçar.
Padia është bërë të hënën dhe djali në fjalë, i cili do të qëndrojë anonim, ka akuzuar reperin se në vitin 2005, e ka droguar dhe përdhunuar. Në dokumentet e siguruara nga TMZ, djali e ka takuar reperin në një hotel pranë “Madison Square Garden” dhe është shprehur se ka performuar disa këngë për Combs, duke qenë se shpresonte të bëhej reper. Nga ana tjetër, “Diddy” i kishte thënë se do ta kthente në një yll. Më tej, ai e pyeti se çfarë do të bënte për t’u bërë një yll dhe djali tha: “Gjithçka”.
Djali tregoi në padi se Combs i ofroi një pije me gaz, e cila e bëri të ndihej “çuditshëm”. Akuzuesi mendon se “Diddy” i kishte hedhur GHB dhe ekstazi në pije. Më pas, ai mban mend se “Diddy” i tha se duhet të bënte ca gjëra për të dhe e detyroi që t’i bënte seks oral.
Sipas padisë, djali pretendon se kur u rikthye në gjendjen normale, i kishte pantallonat e ulura dhe mendon se është përdhunuar. Ai shtoi se Combs e kërcënoi se do t’i lëndonte familjen nëse ai tregonte se ç’kishte ndodhur. Djali u shpreh se u kishte treguar prindërve, por ata nuk kishin bërë një padi për shkak se kishin frikë.
Avokatët e Combs i mohuan akuzat në një deklaratë për Page Six, duke thënë se këto janë deklarata qesharake dhe të rreme. “Z. Combs dhe skuadra e tij ligjore kanë besim të plotë te faktet dhe integriteti i procesit juridik. Në gjyq do të tregohet e vërteta se z. Combs kurrë nuk ka sulmuar seksualisht dhe nuk ka trafikuar askënd, qoftë burrë, grua apo i mitur”.
Rikujtojmë se Sean “Diddy” Combs po përballet me një sërë akuzash për trafikim, sulm seksual, përdhunim, drogim dhe kërcënim. Ai ndodhet në paraburgim që prej arrestimit në muajin e kaluar në New York.
Për më shumë, të rekomandojmë këto artikuj:
