Bardhi, i ftuar në “Prive”, foli ndër të tjera edhe për momentin kur e zbuloi se ai dhe partnerja, Sara Gjordeni, do të bëhen prindër të një vajze. Bardhi tha se ai çast përkoi me një emocion të papërshkrueshëm dhe se fillimisht, as nuk e besonte.

“Emocion i papërshkrueshëm. Gjysmë ore nuk po e besoja dot fare, pastaj fillova të bie në realitet. Jam gëzuar shumë. Që atë ditë kam lajmëruar familjen, kemi qarë bashkë, kam folur me babin, me nënën…”, u shpreh këngëtari.

I pyetur nëse shtatzënia ishte e planifikuar apo jo, Bardhi tha:

“E qëllimshme, shumë e qëllimshme. Edhe në “Big Brother” e kam thënë, edhe jashtë ia kam thënë (Sarës): “Je nëna e fëmijëve të mi””, u shpreh ai, duke shtuar: “Kisha qejf të kisha një fëmijë sa më shpejt. Deshi Zoti dhe na bekoi”.

Në prill, Sara dhe Bardhi konfirmuan se do të bëhen prindër në “Cherry on Top”. Më tej, cetë Sara, përmes një postimi, na tregoi emocionet e pritjes së ëmbël. “Dritë, mami dhe babi shpresojnë që për ty të jenë shembulli më i mirë, se dashuria e fortë nuk pyet për asnjë lloj sfide”, shkroi Sara në mbishkrimin e videos në të cilën Bardhi i puthte barkun.

Pak ditë më parë, ata zbuluan edhe emrin që do i vendosin vajzës. Vogëlushja do të quhet Nea. Sara në një postim në Instagram zbuloi edhe kuptimin e veçantë të emrit dhe shpjegoi se Nea rrjedh nga greqishtja e lashtë dhe simbolizon “dikë që mbetet gjithmonë i ri, në shpirt e pamje dhe që vazhdimisht përmirëson veten.” Në fenë islame, Nea ka një tjetër kuptim të bukur, duke u përkthyer si “një dhuratë e frytshme, një person që sjell dritë dhe gëzim gjatë gjithë jetës.”