Edhe pse Jennifer Lopez dhe Ben Affleck po përparojnë me çështjen e divorcit, thuhet se mes tyre nuk ka ndjesi hakmarrjeje. Në fakt, ata shpresojnë që t'i mbajnë gjërat "në një frymë miqësore", përtej ndarjes.
Një burim i tha “People” se ndërsa po ndjekin rrugën ligjore për pjesën e divorcit, ata "vazhdojnë të përqendrohen te fëmijët". Affleck ka tre fëmijë Violet, Seraphina dhe Samuel me ish-bashkëshorten Jennifer Garner dhe Lopez ka binjakët Emme dhe Max me ish-in, Marc Anthony.
"Ata duan t'u tregojnë fëmijëve se gjërat mund të mbeten miqësore edhe pas ndarjes," u shpreh burimi. "Jennifer dhe Ben kanë ende shumë dashuri për njëri-tjetrin dhe kjo është e dukshme."
Javën e kaluar, Lopez dhe Affleck treguan shembullin më të mirë se edhe pse janë një ish-çift në proces divorci, mund të darkojnë bashkë, të përfshijnë fëmijët në daljet e tyre, madje të shfaqen edhe duke u përqafuar pa asnjë problem.
Në fotot e shprepura jashtë një restoranti në Beverly Hills, Lopez dhe Affleck shiheshin duke qëndruar pranë një makine të zezë ku këngëtarja ishte e veshur me xhinse dhe një golf, ndërsa aktori në stil sportiv, i veshur me një këmishë blu dhe atlete.
Sipas të njëjtit burim, Jennifer dhe Ben janë përqendruar në detajet financiare në pjesën e divorcit, por duan që raporti i tyre të mbetet shumë miqësor.
"Një divorc nuk është kurrë i lehtë, por Jennifer nuk do të tregohet egoiste në këtë pjesë. Ajo lumturohet kur sheh fëmijët e saj të gjithë bashkë, me ish-in Affleck dhe fakti që fëmijët janë prioriteti i saj, bën që artistja të ketë këtë qasje.”
Artikuj të sugjeruar:
- Khëm-khëm: J.Lo dhe Ben Affleck shfaqen sërish bashkë
- Thuhet se takimi i Ben dhe Jen pati goxha prekje: “Ai s’i mbante dot duart larg saj”
- U shfaqën bashkë & shumë të afërt: Ç’do të ndodhë me divorcin e J.Lo dhe Ben Affleck?
- Më fal, çfarë?! J.Lo dhe Ben Affleck shfaqen bashkë, *shumë* të afërt
- Ashtu si pa të keq, J.Lo ia hodhi një thumb Ben Affleck
