Një problem në Microsoft ka sjellë kaos në aeoroporte, banka, hekurudha e sipërmarrje në mbarë botën, pasi shumë shërbime kaluan ‘offline’ duke paralizuar botën dhe miliona njerëz që dëshironin të merrnin shërbime etj.
 
Transporti ajror në Londër, Melburn, Brisbane, Sidnej etj u prek drejtpërdrejt, po ashtu, problematika patën edhe spitalet, pasi një numër i madh punonjësish nuk mund të aksesoheshin në kompjuterat e tyre. Në Mbretërinë e Bashkuar pati edhe ndërprerje të transmetimit të Sky News.

Ekspertët e Microsoft e lidhën problemin me një përditësim të ri të softuerit, të kryer nga firma e sigurisë kibernetike, “Crowdsrike” që ka prekur sistemet kompjuterike në të gjithë botën. Ekspertët u shprehën se do të duhen disa ditë për normalizimin e situatës, pasi çdo PC do të rregullohet manualisht.
 
Microsoft konfirmoi se po hetonte një problem me shërbimet dhe aplikacionet e tij, si dhe paralajmëroi një ‘degradim të shërbimit’, që nënkuptonte se përdoruesit mund të mos ishin në gjendje të merrnin shumë prej shërbimeve të njohura të kompanisë, të cilat përdoren nga miliona biznese dhe njerëz në mbarë botën.
 
Ndër firmat e prekura janë Ryanair, linja ajrore më e madhe në Europë, e cila tha në faqen e saj të internetit: “Ndërprerje të mundshme në të gjithë rrjetin (e premte 19 korrik) për shkak të një ndërprerjeje globale të sistemit të palëve të treta. Ne këshillojmë pasagjerët të arrijnë në aeroport tre orë përpara datës fluturimi i tyre për të shmangur çdo problematikë.”
 
Në SHBA, fluturimet u ndaluan për shkak të problemeve të komunikimit që duket se lidhen me ndërprerjen. American Airlines, Delta dhe United Airlines ishin mes linjave të prekura. Aeroporti i Berlinit ndaloi përkohësisht të gjitha fluturimet të hënën, ndërsa në Australi, aeroporti i Melburnit njoftoi klientët se "po përjetonte një çështje globale teknologjike që po ndikon në procedurat e check-in për disa linja ajrore".
 
Praktikat e mjekëve të përgjithshëm në Mbretërinë e Bashkuar thanë se nuk janë në gjendje të aksesojnë të dhënat e pacientëve ose të rezervojnë takime për shkak të ndërprerjes së internetit. Operacionet u drejtuan në rrjetet sociale për të raportuar se nuk mund të hynin në sistemin EMIS Web. Shoqata Kombëtare e Farmacive konfirmoi gjithashtu se shërbimet e Mbretërisë së Bashkuar mund të preken.
 
Alan Woodward, një profesor i sigurisë kibernetike në universitetin e Surrey, tha se ndërprerja duket se ishte shkaktuar nga një produkt IT i quajtur “Crowdstrike Falcon”, që monitoron sigurinë e rrjeteve të mëdha të PC-ve dhe shkarkon një pjesë të softuerit monitorues në çdo pajisje.

“Produkti përdoret nga organizata të mëdha që kanë një numër të konsiderueshëm kompjuterësh, për të siguruar që gjithçka të monitorohet. Fatkeqësisht, nëse humbasin të gjithë kompjuterët, ata nuk mund të funksionojnë ose vetëm në një nivel shërbimi shumë të vogël", duke shtuar se ndreqja e problemit mund të zgjasë disa ditë.

“Frustrimi kryesor është se për të rregulluar problemin do të kërkohet ndërhyrje manuale në çdo PC të prekur. Kjo do të nënkuptojë vonesa të mëdha në rikuperim dhe rrjedhimisht ndërprerje për ditët në vijim", tha ai.