Mbretëresha e Rock And Roll: Të famshmit i bëjnë homazhe Tina Turner
Yje si Mick Jagger, Elton John, Mariah Carey, Angela Bassett, Viola Davis, Alicia Keys, Magic Johnson e shumë të tjerë i kanë bërë homazhe këngëtares legjendare Tina Turner që ndërroi jetë në moshën 83-vjeçare.
Turner vdiq në shtëpinë e saj në Zvicër pas betejës me një sëmundje të gjatë. Ajo u diagnostikua me kancer në vitin 2016 dhe iu nënshtrua një transplanti të veshkës një vit më vonë.
Fituesi i çmimit Nobel për Paqe transferohet në një burg brutal
Laureati i çmimit Nobel për paqen, Ales Bialiatski, është transferuar në një burg famëkeq brutal në Bjellorusi dhe nuk është marrë vesh asgjë për të prej një muaji, tha gruaja e tij.
Natalia Pinchuk tha se Bialiatski, i cili po vuan një dënim 10-vjeçar, është mbajtur në një burg, ku të burgosurit rrihen dhe i nënshtrohen punës së rëndë.
Në mars, gjykata dënoi 60-vjeçarin Bialiatski - avokati kryesor i të drejtave të njeriut në Bjellorusi dhe një nga fituesit e çmimit Nobel për Paqen në vitin 2022 - dhe tre kolegë të tij me akuzat për financimin e veprimeve që shkelin rendin publik dhe kontrabandën.
Miliona refugjatë sirianë po përballen me pengesa për të rimarrë shtëpitë
Rreth 14 milionë sirianë po përballen me një pengesë pothuajse të pakapërcyeshme për t'u kthyer në shtëpitë e tyre pasi qeveria miratoi ligje që i japin pushtet shtetit për të sekuestruar tokat dhe pronat e tyre, sipas një raporti nga Rrjeti Sirian për të Drejtat e Njeriut.
Raporti, i ndarë me Guardian, i kërkoi komisionerit të lartë të OKB-së për refugjatët që të theksonte ligjet si një nga pengesat kryesore për kthimin e refugjatëve në shtëpi.
Njeriu i paralizuar ecën duke përdorur pajisjen që rilidh trurin me muskujt
Një burrë i paralizuar në një aksident me biçikletë në vitin 2011 ka mundur të qëndrojë në këmbë dhe të ecë me ndihmën e mjekëve, të cilët implantuan një pajisje që lexon valët e trurit të tij dhe i dërgon udhëzime shtyllës kurrizore për të lëvizur muskujt e duhur.
Gert-Jan Oskam, 40 vjeç, iu tha se nuk do të ecte më kurrë pasi theu qafën në një aksident në Kinë, por ka ngjitur shkallët dhe ka ecur për më shumë se 100 metra që nga operimi.
