Për t'u ndjerë mirë me trupin tonë, ka një strategji fituese: synimi drejt ekuilibrit, pa pasur nevojën e dietave drastike apo stërvitjeve rraskapitëse në palestër.
Ja pesë rregullat që mund të ndiqni në çdo ditë të vitit:
-Hani vakte të ekuilibruara mirë
Për të krijuar menu të ekuilibruar, imagjinoni çdo vakt të ditës si një pjatë të ndarë në pjesë: mbusheni gjysmën me fruta dhe perime, një të katërtën me drithëra dhe pjesën tjetër me proteina. Sigurohuni që në pjatën tuaj mos të mungojnë arrat apo farat në një sasi të moderuar.
-Shijoni gatimet me vaj ulliri
Në krye të listës së produkteve të shëndetshme është vaji i ullirit. Edhe pse një lugë gjelle ka 90 kalori dhe është më mirë të mos e teproni me sasinë, krahasuar me salcat dhe vajrat e tjerë, vaji i ullirit është i pasur me antioksidantë, duke përfshirë vitaminën E dhe polifenolet, të cilat janë të shkëlqyera për shëndetin e përgjithshëm.
-Qëndroni larg stresit
Kur stresoheni vazhdimisht, trupi prodhon nivele më të larta të hormoneve si kortizoli dhe adrenalina, të cilat ndikojnë në shtimin në peshë.
-Flini të paktën shtatë orë në natë
Sasia dhe cilësia e gjumit luajnë rol të rëndësishëm në parandalimin e shtimit në peshë. Gjumi i keq e bën trupin të prodhojë sasi më të larta të hormoneve që rrisin urinë dhe përkeqësojnë ndjenjën e ngopjes, duke ju shtyrë të hani më shumë ushqim.
-Kaloni më shumë kohë jashtë
Mungesa e vitaminës D, të cilën trupi e merr përmes ekspozimit ndaj dritës së diellit ka lidhje edhe me mbipeshën dhe obezitetin. Për më tepër, ekspozimi në diell, ndoshta duke bërë një shëtitje gjysmë ore, është një ide e mirë për të luftuar humorin e keq dhe mërzinë, të cilat shpesh nxisin ngrënien jashtë vakteve dhe gjatë gjithë kohës.
Artikuj të sugjeruar:
Burimi: Grazia
