Këngëtarja e famshme amerikane e muzikës country ka rrëfyer në një intervistë për People sekretet e martesës së saj 53- vjeçare me bashkëshortin Carl Thomas Dean.

“Në muajin maj të vitit të ardhshëm unë bëj 53 vite e martuar me këtë burrë. Ne kemi qenë bashkë pothuajse gjithë jetën.

Unë gjithmonë bëj shaka kur njerëzit më pyesin rreth çelësit të dashurisë time afatgjatë. Gjithmonë jam e ikur dhe kjo është e vërtetë. Udhëtoj shumë, ndaj kur jemi bashkë ne i shijojmë edhe gjërat e vogla që bëjmë me njëri- tjetrin.”

Jolly gjithashtu ka treguar se kur ishin më ë rinj ajo dhe i shoqi preferonin që ditët e pushimit t’i kalonin në kamionçinën e tyre duke udhëtuar nëpër fushat e Tennessee ose duke ngrënë vakte në restorantet e vogla vendase.

“Kur unë e njoha bashkëshortin tim, ai donte të më çonte jashtë për të ngrënë. Ai më mori dhe të dy bashkë shkuam dhe morëm ushqim në Mc Donalds. Ndërsa tani kemi shumë pak vende në të cilat mund të adrkojmë pa u besdisur. Sepse ai dëshiron të shkojë vetëm në vendet ku ndihet rehat.”

Këngëtarja e hitit “Jolene” u martua me të shoqin kur shte vetëm 18 vjeç. Marrëdhënia e tyre 53- vjeçare është ndër më të suksesshmet në showbiz- in amerikan. 2 vite më parë në 50- vjetorin e tyre të martesës 72- vjeçarja dhe i shoqi i thanë edhe një herë njëri- tjetrit betimet e dashurisë.

“Kurrë nuk jam ndjerë sikur kam patur dasmën perfekte, ndaj u veshëm dhe bëmë gjithçka gati. Pesëdhjetë vite janë vërtet shumë, ndaj ndjemë sikur duhet të bënim diçka për ta festuar. Kanë qenë 50 vite të mira dhe nuk e dimë se sa të tjera na kanë mbetur.”

Dy bashkëshortët  kurrë nuk u bënë me fëmijë, por gjithmonë ishin të rrethuar nga nipat dhe mbesat e tyre.