Të gjithë e dimë që zumba është një stërvitje që përfshin brenda saj ushtrime kardio dhe kërcim. Përgjithësisht muzika i referohet ritmeve latine, por nuk përbëjnë përjashtim as ritmet e muzikës country, hip-hop, pop etj.
Zumba mund të praktikohet nga shtëpia, por sigurisht që mund të drejtoheni edhe tek një instruktor i specializuar. Të mirat e një aktiviteti të tillë janë të shumta, ndaj po ju prezantojmë me ato më të rëndësishmet:
-Argëtoheni, çlironi energjitë; reduktoni stresin, përmirësoni sistemin kardiovaskular dhe humbni disa kile.
- Tonifikoni trupin përmes lëvizjeve si squats, lunges apo twist.
- Rrisni vetëvlerësimin në saj të përmirësimit të formave trupore dhe humorit.
Prandaj nesër ushqehuni mirë, ndizni muzikën dhe lëreni veten të lirë. Kërceni duke gatuar, duke hekurosur, kërceni sipër krevatit...tunduni e shkunduni për qejfin tuaj.
Për t’ju ardhur në ndihmë, ju kemi bashkëngjitur 2 video-ilustrime.
Një palë tuta të rehatshme, një shishe ujë aty pranë dhe vamos a bailar.
