Nuk ka rëndësi nëse jeni ylli i palestrës ku ushtroheni sistematikisht prej vitesh apo thjesht jeni njeriu që djersini me ndryshimin e motit dhe temperaturave. Ky fenomen është thuajse i pashmangshëm për të gjithë, nga fëmijët tek grupmoshat më të rritura.
“Djersa është kryesisht ujë, por ajo përmban elektrolite që përbëhen nga natriumi, kloruri dhe kaliumi,” thotë Riana Pryor trajnere sportive.
Pra, si mund ta kuptoni se çfarë lloj djerse keni?
Ndodh që fillim të verës njerëzit të prodhojnë më shumë djersë të kripur dhe kjo sipas ekspertëve ndodh sepse trupi juaj nuk është përshtatur akoma me nxehtësinë. “Por, kjo shkaktohet edhe nga marrja e ilaçeve të ndryshme, nga ato kundër ankthit, depresionit deri te problemet me mëlçinë,” thotë Pryor.
Pavarësisht faktit nëse djersa juaj është "e kripur", kur elektrolitet nuk plotësohen, mund të ndodhë një çekuilibër elektrolitik, sipas Klinikës Cleveland. Pabarazitë e elektroliteve mund të çojnë në një sërë simptomash, si ngërçet, dhimbjet e muskujve, rrahjet e parregullta të zemrës dhe të përzierat.
Tre shenja që tregojnë se keni djersë të kripur:
#1 Keni shije të kripur në gjithçka që hani
Nivelet e natriumit të djersës bëjnë që ju ta shijoni gjithçka që hani me një shije më të kripur me zakonisht dhe ky është një nga treguesit që rregullon ekuilibrin e lëngjeve në trup.
#2 Keni ngërçe në trup
Djersa e kripur ka tendencë të mbartë nivele më të larta elektrolite, ndaj kur trupi juaj humbet mjaftueshëm elektrolite për të shkaktuar një çekuilibër, ju përjetoni ngërçe, dhimbje muskujsh dhe dhimbje trupi.
#3 Keni neps për gjëra të kripura para dhe pas palestrës
Ashtu siç është e rëndësishme të rimbushni proteinat dhe karbohidratet pas një stërvitje intensive, është po kaq e nevojshme që të riktheni nivelet e hidratimit dhe natriumit. Nëse shihni që doni rregullisht vetëm ushqime të kripura, ky është një tregues i niveleve të ulëta të natriumit ose keni djerse të kripur.
Artikuj të sugjeruar:
Burimi: Well + Good
