Stresi është një fakt gati i pashmangshëm në jetën e gjithsecilit prej nesh. Duket se stresi nuk ka vetëm ndikim negativ, por ai shpesh ndikon në nxitjen e motivimit dhe elasticitetin në punë dhe gjatë përditshmërisë sonë.
Por, kur stresi bëhet kronik, kjo çon edhe në gjendje ankthi dhe ndikime të tjera negative në shëndetin tonë. Lajmi i mirë është se ka hapa të thjeshtë që mund të ndërmerrni për të rifituar qetësinë në jetën tuaj.
Këtu janë gjashtë mënyra për të reduktuar stresin dhe ankthin në pesë minuta:
#1 Përqendrohuni në frymëmarrjen tuaj
Sipas psikiatres Marlynn Wei në New York City, frymëmarrja ritmike është një ushtrim i mirë për reduktimin e stresit që nuk kërkon shumë përvojë për ta praktikuar.
#2 Mos e prekni telefonin me dorë për disa minuta
Kontrolli i vazhdueshëm i telefonit për të parë njoftimet apo mesazhet e ndryshme, mund t’ju pushtojë, pasi në ditët e sotme njerëzit janë të lidhur me teknologjinë. Email-et, mesazhet, kalimi në Instagram janë procese që kriojnë varësi. Në vend të kësaj, ekspertët këshillojnë që të shkëputeni për pak kohë duke krijuar atë “pushimin e artë” që krijon hapësirën e duhur mendore për fokus te vetja dhe ndjenjat tuaja.
#3 Përdorni aplikacione që ju ndihmojnë të mësoni të meditoni
Ka shumë aplikacione falas të meditimit që mund t'ju ndihmojnë të përshtateni me meditimin për pesë minutat që ju nevojiten për t'u çlodhur. Aplikacionet e njohura si “Headspace” ose “Insight Timer” kanë qindra opsione meditimi që mund t'ju ndihmojnë të përballeni me çdo emocion që mund të ndjeni.
#4 Dëgjoni një këngë relaksuese
Terapia muzikore mund të jetë një mënyrë e shkëlqyer për t'u çlodhur kudo që të jeni, pasi muzika i ndihmon njerëzit që kanë çrregullime të lidhura me stresin, depresionin e lehtë dhe ankthin.
#5 Pini një filxhan çaj
Një çaj kamomili i ngrohtë është një praktikë sa qetësuese, por që ndikon edhe në përqendrimin tuaj. Kjo mund të jetë një taktikë e mirë për të reduktuar stresin në punë dhe jo vetëm.
#6 Dilni në ambient të hapur për disa minuta
Mjekja Monique Tello thotë se ndonjëherë, dalja jashtë për një shëtitje të shpejtë ose ajër të pastër është një mundësi e mirë për të reduktuar shpejt stresin.
Artikuj të sugjeruar:
Burimi: Today
