SHBA-ja shton sanksionet ndaj qeverisë iraniane për shtypje të protestave
Shtetet e Bashkuara kanë sanksionuar 10 zyrtarë iranianë, përfshirë ata që mbikëqyrin burgun Evin të Teheranit, për censurë në internet dhe shtypje të protestave, të nxitura nga vdekja e 22-vjeçares, Mahsa Amini.
Sanksionet, përfshirë bllokada financiare dhe ndëshkime tjera, janë vendosur nga Departamenti amerikan i Thesarit, dhe shënjestrojnë zyrtarë të lartë iranianë dhe anëtarë të Gardës Revolucionare Islamike të Iranit.
Në mesin e tyre janë zyrtarë të burgut Evin, ku gjenden të burgosurit politikë, dhe ku Washingtoni beson se janë dërguar shumica e protestuesve.
Sanksionet e reja vijnë 40 ditë pas vdekjes së Aminit, dhe janë pjesë e masave të vendosura kundër Teheranit, për shkak të shtypjes së protestave dhe kufizimit të qasjes në internet.
“Dyzet ditë pas vdekjes tragjike të Mahsa Aminit, iranianët vazhdojnë të protestojnë me trimëri përballë shtypjes brutale dhe bllokimit të qasjes në internet”, ka thënë Brian Nelson, nënsekretar për Terrorizëm dhe Inteligjencë financiare në Departamentin e Thesarit.
Ai ka thënë se sanksionet janë pjesë e “përkushtimit tonë për të mbajtur përgjegjëse të gjitha nivelet e Qeverisë iraniane për këtë shtypje”.
Kompania Mercedes-Benz largohet plotësisht nga Rusia
Mercedes-Benz po shet aksionet që ka ende në Rusi tek një investitor vendas. Eksportit të automjeteve në Rusi dhe prodhimit në vend i është dhënë fund.
Prodhuesi gjerman i automjeteve, Mercedes-Benz po shet aksionet që ka ende në Rusi tek një investitor vendas. Kompania e shpërndarjes dhe fabrika e montimit të makinave të pasagjerëve, e cila ende punëson më shumë se 1000 vetë, do t’i shiten investitorit rus Avtodom, tha koncerni pjesë e bursës gjermane DAX. Shefi i financave, Harald Wilhelm shtoi se kjo masë nuk do të kishte pasoja financiare shtesë.
Përfundimi i transaksionit megjithatë është ende duhet të miratohet nga autoritetet administrative. Wilhelm foli për një “hap pasues”, pasi kompania kishte ndaluar tashmë eksportin e automjeteve në Rusi dhe prodhimin në vend që në fillim të marsit, pas fillimit të sulmit rus ndaj Ukrainës.
Sipas shefit të OKB-së, nëse klima nuk bëhet prioritet do të përballemi me katastrofë
Shtetet duhet t’i bëjnë prioritet ndryshimet klimatike, ose në të kundërtën bota do të përballet me katastrofë. Të paktën kështu ka thënë shefi i Kombeve të Bashkuara, Antonio Guterres.
Ai i ka bërë këto deklarata për transmetuesin britanik BBC, para mbajtjes së një konference madhore për klimën, COP27, që këtë vit mbahet në Egjipt.
“Ka pasur tendencë për të lënë anash çështjet e lidhura me klimën. Nëse nuk do të arrijmë të kthejmë mbrapsht këtë trend, atëherë jemi të humbur”.- është shprehur ai.
Konferenca, e njohur si COP27, do të bëjë bashkë shtetet për të diskutuar si të luftohen ndryshimet klimatike.
Guterres ka thënë se problemet aktuale në botë, sikurse inflacioni, lufta e Rusisë në Ukrainë dhe çmimet e larta të energjisë dhe ushqimit, janë duke shpërqëndruar qeveritë.
Shefi i OKB-ë ka insistuar që liderët nuk duhet të heqin dorë nga synimet kyçe, përfshirë mbajtjen e temperaturës së Tokës në 1.5 gradë Celsius, në mënyrë që të shmangen efektet e ndryshimeve klimatike.
Zelensky i quan një "çmenduri" taktikat e rusëve në Ukrainë
Presidenti ukrainas, Volodymyr Zelensky ka akuzuar komandantët rusë, se po kryejnë “çmenduri” në përpjekjet e tyre për të kapur qytetin lindor të Bakhmut. Qyteti, i cili ndodhet në rajonin e Donetskut dhe kishte një popullsi prej 70,000 banorësh para luftës, ka qenë qendra e sulmeve ruse për muaj të tërë.
Pavarësisht një përparimi të mundshëm ukrainas në qytetin kyç të Khersonit, Zelensky tha se sulmet vazhduan nga ana e rusëve. Marrja e qytetit do të ishte një fitore simbolike për Rusinë.
“Këtu, është më e dukshme çmenduria e komandës ruse,” tha Zelensky në fjalimin e tij gjatë nga Kievi.
Ditë pas dite, për muaj të tërë, ata po i çojnë njerëzit drejt vdekjes atje, duke përqendruar nivelin më të lartë të goditjeve të artilerisë”, shtoi ai.
Burimi: CNN, BBC
