TikTok duket se ka gjetur një zgjidhje për inflacionin! Le ta pranojmë që çmimet në supermarkete duket sikur janë “çmendur”! Çdo produkt është rritur, aq sa ju mund të shkoni me një listë paraprake, por përfundoni duke blerë me hamendje, pasi nuk ju del llogaria në fund.
“Metoda 6 në 1” është ajo po qarkullon së fundmi në TikTok dhe është shpikur nga kuzhineri dhe blogeri amerikan Will Coleman.
Ideja lindi nga dëshira për të bërë pazarin duke kursyer, për të blerë ushqime të organizuara dhe të balancuara mirë dhe për të mos e çuar dëm ushqimin.
Pavarësisht nëse jeni entuziastë të gatimit ose bëni pazar për të realizuar pjata të përditshme, të kesh përbërësit e duhur në sasitë e duhura mund të bëjë ndryshimin në buxhetin tuaj mujor dhe gjithashtu mund t'ju ndihmojë të kurseni kohë para rafteve të marketeve, ndërsa prisni të kuptoni se çfarë doni të blini. Kjo metodë ndihmon në orientimin drejt blerjeve të duhura duke ndjekur një ndarje të saktë në proteina, salca, fruta, perime madje edhe ëmbëlsira.
@chefwillco My 6 to 1 grocery method makes shopping cheaper and easier! Let me know how you like this grocery shopping method. #6to1method ? original sound - Chef Will Coleman
Si funksionon kjo metodë?
Metoda “6 në 1” përfshin blerjen e gjashtë perimeve, pesë frutave, katër proteinave, tre fryrës për ëmbëlsirat, dy salca dhe një ëmbëlsirë, të gjitha këto për një kosto mesatare prej 40 € për 7/10 ditë.
“Ideja prapa metodës 6 në 1 vjen me të vërtetë nga fakti se jam i lodhur nga disa gjëra: humbja e parave, shpërdorimi i ushqimit dhe shpenzimi i orëve në dyqane duke u përpjekur të kuptoj se çfarë të blej dhe çfarë të gatuaj gjatë javës,” u shpreh Will Coleman.
Pra, në vend që të mendoni për vaktet që dëshironi të përgatisni në supermarketet e mbushura me njerëz, ndoshta kur keni pak kohë në dispozicion, t'i përmbaheni një skeme specifike që mbulon gjashtë kategori të ndryshme ushqimesh kjo mund të ndryshojë jetën, veçanërisht për planifikimin e vakteve të gjatë gjithë javës.
Por, kjo metodë është fleksibël dhe e suksesshme edhe nëse blini për shembull, pesë perime dhe pesë proteina. Është e qartë se ky raport është i vlefshëm për një person. Në rastin e një familjeje të tërë, gjithçka duhet të ribalancohet.
Në fakt, përbërësit që ju blini mund të kombinohen në mënyra të ndryshme për të eksperimentuar me shije dhe kombinime në receta të ndryshme.
Artikuj të sugjeruar:
Burimi: Cosmopolitan
