Bota

Lajme në pak minuta: Çfarë po ndodh në botë

Shkruar nga Anabel

17 Maj 2024

Lajme në pak minuta: Çfarë po ndodh në botë

Sllovaki/ Ministri thotë se duhet të ndalohet histeria kolektive në internet

Lajme në pak minuta: Çfarë po ndodh në botë

Ministri i Brendshëm i Sllovakisë, Matus Sutaj Estok, në një konferencë për shtyp, iu drejtua mediave që ta raportojnë në mënyrë objektive atentatin kundrejt kryeministrit aktual të vendit, Robert Fico. 

Ministri u shpreh gjithashtu se nuk po fajësohej askush, por informacioni ishte paraqitur nga mediat dhe partitë. “Mesazhi ynë për të gjithë mediat është që të raportojnë objektivisht. Ne duam të shmangim një luftë civile, sepse njerëzit nuk mund të tolerojnë idetë e njerëzve të tjerë”, u shpreh ai, duke shtuar që të ndalet histeria në internet.

Spanjë/ Bllokohet anija që do të transportonte armë në Izrael

Lajme në pak minuta: Çfarë po ndodh në botë

Qeveria spanjolle bëri njoftimin se do të refuzojë portet e thirrjes për të gjitha anijet që transportojnë armë për në Izrael. Ajo bëri me dije se refuzoi lejen e një anijeje të mbushur me armë për vendin që po sulmon Gazën, duke shtuar se kjo është hera e parë që e bëjnë diçka të tillë, por do të jetë një politikë e vazhdueshme.

“Kjo do të jetë një politikë e vazhdueshme me çdo anije që transporton armë në Izrael që dëshiron të hyjë në portet spanjolle. Ministria e Jashtme do të refuzojë sistematikisht ndalesa të tilla për një arsye të qartë: Lindja e Mesme nuk ka nevojë për më shumë armë, ka nevojë për më shumë paqe”, u shpreh ministri i jashtëm, José Manuel Albares.

Putin thotë se trupat ruse po pozicionohen çdo ditë e më mirë në Ukrainë

Lajme në pak minuta: Çfarë po ndodh në botë

Presidenti Vladimir Putin është shprehur se trupat ruse në Ukrainë janë duke përmirësuar pozicionet e tyre në të gjitha drejtimet, çdo ditë, duke shtuar se ofensiva në vend do të vijojë. Liderët rusë saktësuan avancimin e trupave rusë, pasi Ukraina pretendoi se trupat e saj kishin zmbrapur pjesërisht forcat ruse.

Qytetet Vovchansk dhe Lyptsi janë në qendër të fokusit të ofensivës ruse për momentit. Lypsti, nëse bie në duart e rusëve, u jep atyre mundësinë që të përparojnë në Kharkiv.

Meksikë/ Përleshja e bandave shkakton 11 të vdekur

Lajme në pak minuta: Çfarë po ndodh në botë

11 persona kanë gjetur vdekjen nga përleshjet mes karteleve rivale në jug të Meksikës, në zonën Chiapas. Sipas raportimeve, mes të vrarëve janë edhe dy murgesha dhe një adoleshent. Në Chiapas luftojnë kartelet Sinaloa dhe ai i Gjeneratës së Re Jalisco, por në fakt, personat e vrarë në përleshjen e tyre ishin banorët vendas.

Policia gjeti 11 trupa të vrarë në Nuevo Morelia dhe zonën rreth fshatit. Vendasit raportuan të shtëna të shumta armësh. Prej kohësh, kartelet luftojnë për të marrë kontrollin në këtë zonë, ndërsa vendosin kaos dhe terror.