Gjermania optimiste për Omicron; Europa redukton aktivitetet për Vitin e Ri

Eksperti kryesor gjerman i koronavirusit ka shprehur optimizëm se vendi i tij mund të ketë një dimër "relativisht normal" në vitin 2022, ndërkohë që shumë vende europiane reduktuan aktivitetet për Vitin e Ri.

Varianti shumë i transmetueshëm Omicron ka nxitur një rritje të infeksioneve të Covid në të gjithë kontinentin dhe shumë qeveri kanë kufizuar tubimet publike masive dhe kanë mbyllur ose vendosur të bllokojnë klubet e natës.

Por Christian Drosten, i cili drejton Institutin e Cirologjisë në spitalin Charité të Berlinit, tha të premten se të dhënat nga vendet e tjera sugjerojnë se infeksionet Omicron ishin më të buta dhe mund ta çojnë pandeminë në një "situatë endemike", të krahasueshme me një virus të zakonshëm të ftohjes ose gripit.

Spanja thotë se është e para në Europë që numëron zyrtarisht të gjitha femicidet

Statistikat zyrtare mbi dhunën me bazë gjinore në Spanjë do të zgjerohen për të përfshirë vrasjet e grave dhe fëmijëve nga burrat, pavarësisht nëse ka pasur një marrëdhënie të mëparshme midis viktimës dhe vrasësit, në atë që përshkruhet si e para në Europë.

Që nga viti 2003, Spanja i ka regjistruar vrasjet si dhunë gjinore nëse ka prova që vrasësi dhe viktima kanë qenë ose ishin në një marrëdhënie. Nga data 1 janar, përkufizimi i dhunës gjinore do të zgjerohet për të përfshirë vrasjen e çdo gruaje ose fëmijësh në të cilën gjinia konsiderohet të ketë luajtur një rol.

Çdo rast do të analizohet dhe statistikat do të ndahen më tej në pesë kategori duke filluar nga vrasjet e lidhura me shfrytëzimin seksual, trafikimin apo prostitucionin deri te vrasja e të miturve – djemve dhe vajzave – nëse krimi besohet se është kryer me qëllim për të dëmtuar një grua.

Qyteti spanjoll mblidhet në kërkim të  ‘Galician Rambo’

Banorët e një qyteti në veri-perëndim të Spanjës janë bashkuar për të gjurmuar një vrasës të dënuar – i quajtur si “Galician Rambo” për largimet e tij të shumta nga burgu dhe njohuritë e gjera të teknikave të mbijetesës – i cili besohet se jeton në një zonë pyjore aty pranë.

Alfredo Sánchez Chacón ka qenë në arrati që nga marsi kur nuk u kthye në burg pasi u lejua të dilte me leje ditore. Lajmi se 63-vjeçari ishte zhdukur nuk befasoi shumë njerëzit: Sánchez Chacón, i cili duhet të qëndronte në burg deri në vitin 2025 për një vrasje të vitit 1996, njihej në të gjithë Spanjën për arratisje nga burgu.

Në fund të verës, 7,900 banorët e bashkisë filluan të tregojnë me njëri-tjetrin se shumë artikuj ishin zhdukur në mënyrë misterioze nga kuzhinat e tyre: pako biskota, kanaçe birre etj. Një person tregoi se si kishte ndeshur një burrë në kuzhinën e tij, duke parë frigoriferin e hapur, në mes të natës.

"Ne humbëm gjithçka": Zjarret në Colorado shkatërrojnë qindra shtëpi

Zjarret shkatërruan të paktën 500 struktura, kryesisht shtëpi, dhe më shumë se 30,000 njerëz u larguan ose u evakuuan.