Bangladesh/ 74 persona humbin jetën nga rrufetë
74 persona kanë humbur jetë nga goditjet e rrufeve për një periudhë 38-ditore. Rrufetë kanë pushtuar Bangladeshin dhe ekspertët thonë se për një fenomenë të tillë mund të fajësohen ndryshimet klimatike.
Në 8 ditët e fundit u vranë plot 43 persona. Në prill, 31 njerëz humbën jetën dhe gjatë këtij muaji, në të njëjtën ditë, vdiqën 11 njerëz. Bangladeshi, duke qenë se është një vend i rrethuar nga Gjiri i Bengalit, përjeton goditje të shpeshta rrufesh, të cilat qëllojnë të jenë vdekjeprurëse. Këto goditje, janë shpeshtuar edhe më shumë falë ngrohjes globale dhe ndryshimeve që po pëson klima.
Kryeministri i Izraelit thotë se nuk ka zgjidhje tjetër veçse të shkatërrojë Hamasin
Kryeministri i Izraelit, Benjamin Netanyahu, u shpreh se shpreson që të kapërcehen mosmarrëveshjet që kanë lindur mes tij dhe Joe Biden, të cilat e kanë zanafillën te mosdakordësia për luftën në Gaza. Netanyahu argumentoi se nuk ka një zgjidhje tjetër veçse të shkatërrojë Hamasin.
“Ne shpesh kemi rënë dakord, por kemi pasur edhe mosmarrëveshje. Ne kemi mundur t’i kapërcejmë ato. Shpresoj se do të jemi në gjendje t’i kapërcejmë tani, por do të bëjmë atë që duhet të bëjmë për të mbrojtur vendin tonë”, tha kryeministri izraelit. Ai shtoi se nëse nuk e shkatërrojnë Hamasin, luftëtarët e grupimit terrorist do të kthehen.
Rusia dhe Bjellorusia nisin stërvitjen e përbashkët
Rusia dhe Bjellorusia kanë nisur një stërvitje të përbashkët ushtarake me armë bërthamore taktike. Këtë e bëri me dije vetë presidenti bjellorus, Alexander Lukashenko, i cili tha se armët bërthamore janë armë parandaluese.
“Armët bërthamore janë armë të tmerrshme. Por ato janë armë. Pra, për të përdorur armë të tilla, duhet të praktikojmë, duhet të dimë t’i trajtojmë ato. Përshkallëzimi po vazhdon. Çfarë duhet të bëjmë në këtë situatë?” tha ai.
SHBA/ Dy skiatorë humbin jetën nga orteku
Dy skiatorë kanë ndërruar jetë si pasojë e një orteku në malin Lone Peak. Ata fillimisht u shpëtuan, por nuk arritën t’ia dlinin për shkak të plagëve të marra. Ngjarja e rëndë ndodhi në territorin e Utah.
Sipas drejtuesit të rajonit Salt Lake City, Rosie Riviera, në vend shkoi një helikopter shpëtimi, i cili arriti t’i nxirrte skiatorët nga orteku, por 23 dhe 32-vjeçarët nuk mundën të mbijetonin. SHBA është një vend që preket shpesh nga ortekët dhe në një vit, vdesin rreth 30 njerëzi si pasojë e tyre.
